19, ნოემბერი 2018 11:39:00
საქართველოს ის მოქალაქეები, რომლებიც საბანკო დავალიანების გამო, შავ სიაში არიან მოხვედრილები, მათ დავალიანება გაუნულდებათ. ამის შესახებ მამუკა ბახტაძემ დღეს გამართულ ბრიფინგზე განაცხადა. უფრო კონკრეტულად კი, დავალიანება ჩამოეწერებათ იმ მოქალაქეებს, რომელთაც ბანკიდან 2 000 ლარამდე სესხი აქვს აღებული. ინიციატივა ეხება მიკროსაფინანსო ორგანიზაციებსაც.
,,ინიციატივა ასობით ათას ოჯახს დიდ პრობლემას მოუხსნის. დღეს დაახლოებით 600 000 მოქალაქე ე.წ. შავ სიაშია. მადლობა მინდა გადავუხადო ფონდ ,,ქართუს“ ,რომ არა მათი მხარდაჭერა, ამ ინიციატივის განხორციელება ვერ მოხდებოდა, “ - განაცხადა ბახტაძემ.
სიახლე შეეხება დაახლოებით 140 ათასამდე სოციალურად დაუცველ მოქალაქესაც.
პრემიერის განცხადებით, პროცესი 15 დეკემბერს დაიწყება და 31 დეკემბრამდე გაგრძელდება.