19, ნოემბერი 2018 14:07:00
“ევროპული საქართველოს” აჭარის ორგანიზაციის წევრებმა პარტია დატოვეს. ამის შესახებ განცხადება პარტიის ბათუმის ოფისში აჭარის რეგიონულმა ხელმძღვანელმა რაულ თავართქილაძემ გააკეთა. გადაწყვეტილების მიზეზი, თავართქილაძის თქმით, საპრეზიდენტო არჩევნების მეორე ტურში "ნაციონალური მოძრაობის" კანდიდატის მხარდაჭერა გახდა. პარტია მუნიციპალიტეტების ორგანიზაციების ხელმძღვანელებმაც დატოვეს. თანაგუნდელების გადაწყვეტილება მოგვიანებით პარტიის ერთ-ერთმა ლიდერმა შეაფასა. გიგი უგულავა ფიქრობს, რომ პროცესის უკან სუსია და მათი გადაბირება მოსყიდვის შედეგად მოხდა.