პარასკევი 19, ივლისი 2019

,,პეპი მაღალიწინდა“ მზადება პრემიერისთვის

21, ნოემბერი 2018 20:01:00

„პეპი მაღალი წინდა“  - ახალ სცენაზე. ასტრიდ ლინდგრენის ნაწარმოების ნახვას ბათუმელი ბავშვები  23 ნოემბერიდან შეძლებენ. დრამატული თეატრის დასი მაყურებელს სიკეთით სავსე წინასაახალწლო პრემიერას შესთავაზებს.

ცელქი გოგო გრძელი კიკინებით და ლამაზი ჭორფლით, რომელიც წერილებს თავის თავს უგზავნის.  მხიარულების კუნძულის მეფისა და “ჭრიჭინას“ კაპიტნის – ეფრაიმის ქალიშვილი, თანაც ერთადერთი,  ძალიან ღონიერი, რომ ვარ და ცხენის აწევაც რომ შეუძლია. ეს პეპია, მას მსახიობი ხატია ფოფხაძე ახალ სცენაზე გააცოცხლებს.

პეპის  გასართობი არ აკლია. ხან ტვისტის ცეკვას სწავლობს ქურდბაცაცებთან ერთად, ხან ფუსუსუნას დაეძებს, ხანაც ოინებს აწყობს. ზოგჯერ დედა ენატრება ხოლმე, მაგრამ იცის, რომ ამ დროს ცაში უნდა აიხედოს – ანგელოზები ხომ იქ ცხოვრობენ. პეპი  ის ბავშვია წვიმაში ყვავილების მორწყვა, რომ ახალისებს. ,,ვილა ყიყლიყოს“ ბინადარი პეპი მხიარულების შეტანას მისი მეგობრების ცხოვრებაშიც შეძლებს. 

ასტრიდ ლინგრენის მოთხრობის  ინსცენირება და რეჟისურა მანანა კვირკველიას ეკუთვნის. მისი თქმით, უბერებელი ნაწარმოების სცენაზე ხილვა წინასაახალწლოდ მაყურებელს სიკეთით და მხიარულებით აავსებს. 

გენერალური რეპეტიცია გავლილია, პეპი ჩვეულ ფორმაშია.  ბათუმელი ბავშვები მის ხილვას 23 ნოემბრიდან შეძლებენ.


დღის ამბები