საქართველო უკვე რამდენიმე წელია ტრადიციულად უერთდება მსოფლიოს სხვადასხვა ქვეყნებს შიდსთან ბრძოლის მსოფლიო დღის აღნიშვნაში. ჯანდაცვის მსოფლიო ორგანიზაციის მოწოდებით 1988 წლიდან, 1 დეკემბერი აღინიშნება შიდსთან ბრძოლის მსოფლიო დღედ.

ყოველწლიურად ეს დღე გარკვეულ თემას ეძღვნება, რომელშიც ეპიდემიის რომელიმე ასპექტია ხაზგასმული. 2018 წელს შიდსთან ბრძოლის მსოფლიო დღის თემაა იცოდე შენი აივ სტატუსი ჩაიტარეთ ტესტირება აივ ინფექცია/შიდსზე.

 შიდსთან ბრძოლის მსოფლიო დღის აღსანიშნავად, აჭარის საზოგადოებრივი ჯანდაცვის ცენტრი სავაჭრო ცენტრ ,,მეტროსითი ფორუმ ბათუმის“ მხარდაჭერით, გეგმავს მოსახლეობის უფასო ტესტირებას აივ/ ინფექციასა და C ჰეპატიტზე.

აივ ინფიცირებულების სავარაუდო რიცხვი საქართველოში 7000-ს უტოლდება. რაც საქართველოსთვის არც ისე ცოტაა.  საქართველოში აივ ინფექცია/შიდსის პირველი შემთხვევა 1989 წელს გამოვლინდა.

საქართველოში, 2018 წლის 27 ნოემბრის მონაცემებით, ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკულ ცენტრში რეგისტრირებულია: აივ-ით ინფიცირების 7368 შემთხვევა, მ.შ. აჭარის რეგიონში 827 . 5517 - მამაკაცი 1851 - ქალი პაციენტთა უმრავლესობა 29-დან 40 წლამდეა. შიდსი განუვითარდა 3816 პაციენტს, 1500 გარდაიცვალა.
2018 წელს საქართელოში სშიდსის 606 შემთხვევა გამოვლინდა.