03, დეკემბერი 2018 14:03:00
2018 წლის ნოემბერში ინფლაციის წლიურმა მაჩვენებელმა 1.9% შეადგინა. საქსტატის ანგარიშის მიხედვით, ფასები ყველაზე მეტად - 5.5%-ით ჯანდაცვის სექტორშია გაზრდილი, ასევე, 4.6%-ით თამბაქოსა და ალკოჰოლზე. სურსათის ღირებულება კი 0.8%-ით არის გაზრდილი. სტატისტიკის ეროვნული სამსახურის ინფორმაციით, ზოგიერთ სექტორში - მაგალითად კავშირგაბმულობის სექტორში ფასების შემცირებაც შეიმჩნევა. ინფლაციის 1.9%-იანი ნიშნული ეროვნული ბანკის მიერ განსაზღვრული მიზნობრივი ინფლაციის - 3%-ის ფარგლებშია.