05, დეკემბერი 2018 14:10:00
ბათუმს ევროპის სპორტის ქალაქის ტიტული ბრიუსელში, საზეიმო ვითარებაში გადაეცა. ტიტული და დროშა ბათუმის მერს ევროპის დედაქალაქებისა და ქალაქების სპორტის ფედერაციის პრეზიდენტმა პირადად გადასცა. გადაწყვეტილების მიღებამდე, შემფასებელი კომისიის წარმომადგენლები ბათუმში იმყოფებოდნენ, სადაც არსებული სპორტული ობიექტები დაათვალიერეს, ასევე, სპორტის ხელშეწყობის კუთხით მიმდინარე და დაგეგმილ პროექტებს გაეცნენ. ACES Europe-ი ბრიუსელში დაფუძნებული ორგანიზაციაა, რომელიც ყოველწლიურად ევროპული ქალაქებისთვის ,,ევროპის სპორტის დედაქალაქის“, ,,ევროპის სპორტის ქალაქის“, ,,ევროპის სპორტის თემისა“ და ,,ევროპის სპორტის მცირე ზომის ქალაქის“ სტატუსების მინიჭების საკითხს განსაზღვრავს.