06, დეკემბერი 2018 14:09:00
სოფელ გობრონეთში ხანძრის შედეგად საცხოვრებელი სახლის ნაწილი დაიწვა. შემთხვევის დროს ოჯახში არასრულწლოვანი იმყოფებოდა, რომელიც მსუბუქად დაშავდა. იგი სამედიცინო დაწესებულებაში მოათავსეს. მედიკოსების ინფორმაციით, მის ჯანმრთელობას საფრთხე არ ემუქრება. ცეცხლის ჩაქრობა თავდაპირველად მეზობლებმა სცადეს. ადგილზე მეხანძრე მაშველებიც იმყოფებოდნენ. ქედის მერიაში აცხადებენ, რომ ზარალს დაითვლიან და ბოლქვაძეების ოჯახს დახმარებას გაუწევენ.