გაუმართავი გზა, უწყლოდ დარჩენილი სოფელი და მოსახლეობა დახმარების მოლოდინში. სოფელ წაბლიანში მცხოვრებლებს მიაჩნიათ, რომ ისინი ხელისუფლებისგან მიტოვებულები არიან. მძიმე ყოფითი პრობლემების ფონზე ადგილობრივები ინფრასტრუქტურის მოწესრიგებას წლებია ითხოვენ. მაღალმთიან აჭარაში მცხოვრებლებმა დახმარებისთვის „TV 25“-ის რედაქციას მიმართეს და ხელისუფლებას პრობლემები კიდევ ერთხელ შეახსენეს.
სოფელ წაბლიანში, ამ უბნის, დაახლოებით 17 კომლთან დამაკავშირებელი გზის ორ კილომეტრიანი მონაკვეთი ავარიულ მდგომარეობაში. იმ მონაკვეთებზე, სადაც რთული მდომარეობაა არც დამცავი კედელია მოწყობილი და ზედაპირი არც მყარი გრუნტითაა დაფარული. ადგილობრივთა თქმით, მიწა, რომელსაც ხშირ შემთხვევაში მოსახლეობა ორმოების დასაფარად ყრის წვიმაში ტალახდება და ტრანსპორტს გადაადგილება უჭირს.
სასოფლო გზის რამდენიმე მონაკვეთზე, ფერდობის მხარეს, რამდენიმე ადგილზე ხის მორები დევს. ადგილობრივები გვეუბნებიან, რომ მორებს აქ, საყრდენი კედლის ფუნქცია აქვს და საავტომობილო უსაფრთხოებასაც ასე უმკლავდებიან. მათივე ინფორმაციით, ამ მონაკვეთზე შემთხვევა რამდენჯერმე მოხდა, ავტომობილი ხრამში გადავარდა.
მოსახლეობა საგზაო ინფრასტრუქტურის გამართვასთან ერთად, სოფელში სასმელი წყლის პრობლემის მოგვრებას ითხოვენ.
ხულოს მერიის ინფრასტრუქტურის სამსახურის უფროსი ამბობს, რომ გზის აღნიშნული მონაკვეთი საავტომობილო გზების დეპარტამენტის ბალანსზეა, შესაბამისად ინფრასტრუქტურა დეპარტამენტმა უნდა გამართოს, რაც შეეხება სასმელი წყლის პრობლემას, ზაზა აბულაძე განმარტავს, რომ ამ უბანში მცხოვრები ოჯახებისთვის, წყლის მილების შეძენა 2019 წლის ბიუჯეტის გეგმაშია გაწერილი.
კითხვაზე - რატომ ვერ მოხდა ზეგარდანის დასახლებასთან დამაკავშირებელი გზის რთული მონაკვეთების დაბეტონება - საავტომობილო გზების დეპარტამენტის ხულოს ფილიალში ასე პასუხობენ:
ვიდრე თვითმართველობა და შესაბამისი სამსახური, სოფელში გზისა და წყლის პრობლემას მოაგვარებს, მოსახლეობა კვლავ, უწყლოდ, სახიფათო და ტალახიანი გზის ამარა რჩება.
21
s
s
s