ოპოზიცია ხელვაჩაურის მერის და საკრებულოს თავმჯდომარის იმპიჩმენტს ითხოვს. ერთიანი ნაციონალური მოძრაობის წევრებმა იმ კომისიის შექმნის საკითხი დააყენეს, რომელმაც აუდიტის 2017 წლის დასკვნა უნდა შეიწსავლოს. მმართველი გუნდი ამის აუცილებლობას ვერ ხედავს. საკრებულოს სხდომაზე დეპუტატების დაპირისპირება იქამდე მივიდა, რომ ოპოზიციამ სხდომათა დარბაზი დატოვა.
ხელვაჩაურის საკრებულოს ოპოზიცია მერის იმპიჩმენტისთვის ემზადება. ფრაქცია ,,ნაციონალური მოძრაობის“ თავმჯდომარე ამტკიცებს, რომ მმართველობის შესაცვლელად უკვე ათი მხარდამჭერი ჰყავს. თუმცა თეიმურაზ დუმბაძე არ აკონკრეტებს ვინ იზიარებს ოპოზიციის ინიციატივას.
მმართველი გუნდის წევრების მხრიდან ოპოზიციის მხარდაჭერას გამორიცხავს ხელვაჩაურის საკრებულოს თავმჯდომარე ნადიმ ვარშანიძე. მუნიციპალიტეტის მერი ირწმუნება, რომ გუნდი საკმაოდ შეკრულია და თანამდებობის დატოვებას არც თვითონ გეგმავს.
„ნაციონალური მოძრაობის“ წევრებმა საკრებულოს სხდომა პროტესტის ნიშნად დატოვეს. ისინი დღის წესრიგში იმ საკითხის შეტანას ითხოვნდნენ, რომელიც აუდიტის დასკვნის განსახილველი კომისიის შექმნას ითვალისწინებდა. საკითხს უმრავლესობამ მხარი არ დაუჭირა. უმრავლესობას მიაჩნია, რომ აუდიტის დასკვნაში საგანგაშო შედეგები არ იკითხება, შესაბამისად კომისიის შექმნის აუცილებლობას ვერ ხედავენ.
ოპოზიციის სხდომათა დარბაზის დატოვების შემდეგ საკრებულოს უმრავლესობამ მიმდინარე წლის ბიუჯეტში ცვლილებები განახორციელა, ტენდერებიდან გამოწვეული ეკონომიის ხარჯზე დაზოგილი 400 ათასი ლარი სხვადასხვა ინფრასტრუქტურულ პროექტებზე გადანაწილდა.
სხდომაზე გადაწყდა, თხილნარში ორი ქუჩის სახელდების საკითხი, ერთს მინდია აბაშიძის-ავღანეთში საბრძოლო მისიით დაღუპული ჯარისკაცის სახელი დაერქმევა, ხოლო მეორეს ექიმ მინდია კაკაბაძის.
ხელვაჩაურის საკრებულოს სხდომაზე სულ 9 საკითხი უნდა განხილულიყო, დღის წესრიგიდან მოუმზადებლობის გამო ერთი თემა ამოიღეს.
1
s
s
s