26, მარტი 2019 17:11:00
სამედიცინო რეგულირების სააგენტოს წარმომადგენლები კლინიკა „მედცენტრსა" და „რეფერალურ საავადმყოფოში" შევიდნენ. დაწესებულებებიდან 28 წლის მელანო ფუტკარაძის მკურნალობასთან დაკავშირებული დოკუმენტაციის ამოღების პროცედურები მიმდინარეობს. დოკუმენტაციის შესწავლის შემდეგ კი გარდაცვლილის მკურნალობაში ჩართული ექიმები გამოიკითხებიან. სააგენტომ მოკვლევა აჭარის ჯანდაცვის სამინისტროს მიმართვის საფუძველზე დაიწყო. საბოლოო დასკვნისთვის დოკუმენტაციები სპეციალისტებს გადაეგზავნება და გაწეულ სამედიცინო მომსახურებას პროფესიული განვითარების საბჭო შეაფასებს.