26, მარტი 2019 20:03:00
სოციალურად დაუცველი ოჯახი ქობულეთიდან. გოგმაჩაძეები მეწყერ საშიშ ზონაში, ხის ფუცრულში ცხოვრობენ . 4-დან 2 -ს შეზღუდული შესაძლობები აქვს. ყოველთვიური შემოსავალი კი მედიკამენტების შესაძენადაც არ ყოფნით.
გოგმაჩაძეების ნახევრად ამორტიზებული ხის ფიცრული მეწყერმა ერთი წლის წინ კიდევ უფრო დააზიანა. საცხოვრისში გაწვიმებისას წყალი ჩადის, შედეგად დაზიანებულია იატაკი და კედლები. გვიყვებიან, რომ მეწყერმა სახლის ნაწილი ჩამოშალა, პრობლემა კი მხოლოდ მეზობლებმა გაიზიარეს და ერთადერთი საცხოვრებლის საძირკველი დროებით გაუმაგრეს.
სოფელ ქობულეთში, მცხოვრებლებს მეწყერმა სახლის გარდა მანდარინის ნარგავებიც გაუნადგურა, რითაც გოგმაჩაძეები სეზონურად თავს ირჩენდნენ. ახლა მათი ერთადერთი შემოსავალი 100 ლარიანი პენსია და სოციალური შემწეობიდან მიღებული 150 ლარია. 4 წევრიან ოჯახს თანხა წამლების შესაძენადაც არ ჰყოფნის. ოჯახში ორი შეზღუდული შესაძლებლობების მქონე პირია.
მეწყრული მოვლენების განვითარების შემდეგ ოჯახის მდგომარეობა გეოლოგებმაც შეისწავლეს. სპეციალისტების რეკომენდაციით, გოგმაჩაძეები ალტერნატიულ ტერიტორიაზე გაყვანას საჭიროებს. ოჯახი მტკიცებით, მუნიციპალიტეტის მერიის წარმომადგენლემა მათ ხელზე 300 ლარი შესთავაზეს, რითაც ბინა იქირავეს. თუმცა ერთი თვის შემდეგ თანხის გადაუხდელობის გამო, კვლავ ავარიულ სახლში დაბრუნება მოუხდათ.
უკიდურესად გაჭირვებული ოჯახი ერთი წელია, რაც მეწყრის განმეორების მოლოდინშია. ყოველი გაწვიმებისას გოგმაჩაძეები თავს მეზობელებს აფარებენ.
ოჯახის მტკიცების მიუხედავად, ქობულეთის მერიაში 300 ლარის გადაცემის ფაქტს არა ადასტურებენ. აქ იმასაც ამბობენ, რომ გოგმაჩაძეებს დახმარების თხოვნით უწყებისთვის არასდროს მიუმართავს.
იმის გასარკვევად, რომ გოგმაჩაძეები ნამდვილად მეწყერსაშიშ ზონაში ცხოვრობენ, ოჯახმა მერიას განცხადებით უნდა მიმართონ. ამის შემდეგ ტერიტორიისა და საცხოვრებლის შესწავლა მოხდება.