02, აპრილი 2019 20:03:00
სოციალურად დაუცველი ოჯახი, რომელმაც საცხოვრებელი ბინა დაკარგა და ახლა ბინის სხვენზე ცხოვრობს. სალუქვაძეებს ეს ფართობიც იპოთეკით აქვთ დატვირთული და ახლა იმის შიში აქვთ ,რომ ქუჩაში არ აღმოჩნდნენ. ფული არ აქვთ, რომ ვალები და სესხები დაფარონ. ერთადერთი იმედი სწრაფი კვების ობიექტის გახსნაა, რომლის მშენებლობის ნებართვას მერია არ აძლევს
ვენერა სალუქვაძე ირწმუნება, რომ ეს 12 კვადრატული მეტრი ფართობი მის კანონიერ მფლობელობაშია. ორი წლის წინ პროექტი მოამზადა და სწრაფი კვების ობიექტის მშენებლობაც დაიწყო. თუმცა პროცესი ბათუმის მერიის ზედამხედველობის სამსახურმა მალევე შეაჩერებინა.
ვენერა სალუქვაძე მეუღლესთან ერთად, წლების მანძილზე ამ კორპუსის მეორე სართულზე ცხოვრობდა. თუმცა გარკვეული მიზეზების გამო, ბინა იპოთეკით დატვირთა, ოჯახმა თანხის გადახდა ვეღარ შეძლო და ერთადერთი საცხოვრებელი დაკარგეს. სოციალურად დაუცველები ახლა დაშენებულ მანსარდაზე ცხოვრობს. ეს ფართობიც იპოთეკით აქვს დატვირთული, მევახშემ სალუქვაძეებს შავ კარკასში ცხოვრების უფლება მანამდე მისცა, ვიდრე ბინას გაარემონტებს. ვენერა შიშობს, რომ მალე ქუჩაში აღმოჩნდებიან. სწორედ ამიტომ მისი ერთადერთი იმედი და საკუთრება ეს 12 კვადრატია.
სალუქვაძეებს ცხოვრება გაუსაძლის პირობებში უწევთ, ოჯახის შემოსავალი პენსია, სოციალური დახმარება და მისი მეუღლის მიერ ფიზიკურად გამომუშავებული დაახლოებით 100 ლარია. თანხას მეტწილად მედიკამენტების შეძენაში იხარჯება.
ბათუმის მერიაში განმარტეს, რომ მოქალაქეების მიერ დაწყბული მშენებლობით ადმინისტრაციული შენობის ნაწილი ილუქება. მამუკა ცხვარაძის ინფორმაცოიით, სწორედ ამ მიზეზით შეუჩერდა მათ მშენებლობის უფლება.
როგორ დასრულება მხარეებს შორის არსებული დავა უცნობია. ამ ეტაპზე ისიც არ არის ცნობილი შეცვლის თუ არა ბათუმის მერია გადაწყვეტილებას. მოქალაქეს სასამართლოსთვის ჯერ არ მიუმართავს.