ქურდული სამყაროს წევრობისთვის ბრალდებულების განაჩენი ცნობილია. იმედა აბაშიძე გაათავისუფლეს, ორი მსჯავრდებული კი კვლავ განაჩენის მოლოდინშია. გაასაჩივრებენ თუ არა გადაწყვეტილებას მხარეები?
იმედა აბაშიძე სასამართლო დარბაზიდან გაათავისუფლეს. გადაწყვეტილება მოსამართლე ვიოლეტა ფორჩხიძემ მიიღო. ქურდული სამყაროს წევრობისა და ქურდულ გარჩევებში მონაწილეობისთვის დაკავებულების საქმეზე 9 თვიანი პროცესების განაჩენი დადგა. აბაშიძეს სასჯელი ჯანმრთელობის მძიმე მდგომარეობის გამო გადაუვვადდა, მანამდე კი ბრალს კვალიფიკაცია შეეცვალა. მოსამართლე ვიოლეტა ფორჩხიძემ ქურდული სამყროს მხარდაჭერისთვის ორი წლი მიუსაჯა.
ბრალი გადაუკვალიფიცირდა კიდევ სამ დაკავებულს. მარად წითელაძეს ორი წელი და ექვსი თვე , ჯამბულ ნაკაშიძეს 2 წელი და ბეჟან დეკანაძეს 1 წელი, ექვსი თვე და 15 დღე. მოსამართლის გადაწყვეტილებას დარბაზი ოვაციებით შეხვდა.
სამ ბრალდებულს ბადრი ქობულაძეს, გიორგი შავლიძესა და რამაზ კომახიძეს მოსამართლე გიორგი გრატიაშვილმა კი დღეს 5 წლით თავისუფლების აღკვეთა შეუფარდა. მოსამართლის განმარტებით განაჩენის გამოტანისას ბრალდებულების ასაკი და ქცევა გაითვალისწინა და სასჯელის მინიმალური ზომა გამოიყენა.
ბრალდებულების ადვოკატები განაჩენით უკმაყოფილო არიან და გადაწყვეტილების გასაჩივრებას გეგმავენ. საქმის პროკურორი კი აცხადებს, რომ გადაწყვეტილებას მოტივაციის ბოლომდე გაცნობის შემდეგ მიიღებს.
ქურდული სამყაროს წევრობისა და ქურდულ გარჩევებში მონაწილეობისთვის 9 ადამიანი გასული წლის 17 ივლისს 9 პირი დააკავეს. მათ ე.წ. ,,ქურდული ობშიაკისთვის“ თანხის შესავსებად ადამიანებზე ძალადობაში ედებოდათ ბრალი. ორი ბრალდებულის საქმეზე კი პროცესები კვლავ მიმდინარეობს.
4
s
s
s