19, ივნისი 2019 20:40:00
რა გააკეთა თითქმის ერთი წლის განმავლობაში თორნიკე რიჟვაძემ რეგიონისთვის? აჭარის მთავრობის თავმჯდომარემ მაკონტროლებელ ორგანოს საკუთარი საქმიანობის ანგარიში ჩააბარა. რეგიონის პირველი პირი დეპუტატების წინაშე თითქმის ერთი საათის განმავლობაში ყვებოდა, რა დაგეგმა, რისი განხორციელება მოახერხა და რა ვერ შეძლო 11 თვის განმავლობაში.
ე.წ ოცნების ქალაქი, განათლებისა და მეცნიერების ქალაქი და ქობულეთში მწვანე ქალაქი მშენებლობა - აჭარის მთავრობის თავმჯდომარემ დღეს ანგარიშის წარდგენა რეგიონში დაგეგმილი მსხვილი პროექტებით დაიწო. რიჟვაძემ ყურადღება გაამახვილა რეგიონში მილიარდი ლარის საინვესტიციო და საბანკო გარანტიებით ამოქმედებულ პროექტებზეც.
რეგიონის პირველი პირის საქმიანობის ერთი წლის ანგარიშში მაღალმთიანი აჭარის განვითარებისთვის და გაზიფიცირების მიმართულებით დაგეგმილი პროექტებიც მოხვდა. თორნიკე რიჟავაძემ ისაუბრა სოფლებში წყალმომარაგების სისტემის მოწესრიგებზეც.
თორნიკე რიჟვაძემ აჭარის ტურისტული მიმართულებით მოპოვებულ მიღწევებზეც გაამახვილა ყურადღება.
ანგარიშში მოხვდა ბათუმში რესპუბლიკური საავადმყოფოც. რიჟვაძის განცხადებით გავრცელებული ინფოერმაცია სამედიცინო ცენტრის გასხვისებასთან დაკავშირებით სიმართლეს არ შეესაბამება.
სხდომაზე დაპირისპირება რეგლამენტის დრომაც გამოიწვია. აჭარის უმაღლესი საბჭოს თავმჯდომარემ ოპოზიციის წევრს ელგუჯა ბაგრატიონს დარბაზის დატოვებაც მოსთხოვა
აჭარის მთავრობის თავმჯდომარის ანგარიშთან დაკავშირებით პრეტენზია 17 დეპუტატიდან 12-ს არ ჰქონია.