დაბზარული კედლები და განადგურებული ნარგავები - ანგისის 11 ნომერში მცხოვრები ოჯახი ამის მიზეზად საცხოვრებელი სახლის გვერდით მიმდინარე მშენებლობას ასახელებს. რომან დუმბაძე მისი მისამართით განხორციელებულ მუქარაზეც საუბრობს. სამუშაოებს შპს „ნევ- ბათუმი“ ახორციელებს. ირკვევა რომ კომპანია სამშენებლო წესების დარღვევის ფაქტზე ბათუმის მერიამ რამდენჯერმე დააჯარიმა. ამის მიუხედავად კი მშენებელი სამუშაოებს ისევ უსაფრთხოების წესების დარღვევით აგრძელებს. ხატია გოგრაჭაძე მუშაობდა თემაზე.
ანგისის 11 ნომერში მცხოვრები იმ მუქარაზე საუბრობს, რომელიც მასზე ხორციელდება. რომან დუმბაძის თქმით, მისი საცხოვრებელი სახლის გვერდით მიმდინარე მშენებლობას დამცავი ბადე არ გააჩნია, რის გამოც ეზო და იქ არსებული ნარგავები სამშენებლო მასალებით ზიანდება. ადგილობრივის მტკიცებით, მშენებლობის შედეგად საცხოვრებელს ბზარებიც გაუჩნდა. ხოლო, ეზოში არსებულ პარკინგზე, რომელიც მისთვის საარსებო წყაროს წარმოადგენს, მშენებლობიდან ჩამოყრილი თხევადი ბიტონით ავტომობილები ზიანდება.
იურისტის განმარტებით, ორ სუბიექტს შორის არსებული სამშენებლო დავისას, მოქალაქეებმა საკუთარი ინტერესების დაცვა თავად უნდა უზრუნველყონ. გიორგი ხიმშიაშვილის თქმით, სამართლებლივი დავის წარმატებით დასრულების შემთხვევაში, მოქალაქის მხრიდან გაწეული ყველა ხარჯის ანაზღაურება სამშენებლო კომპანიას დაეკისრება.
ბატუმის მერიაში ამბობენ, რომ შპს „ნევ-ბათუმი“, რომელიც აღნიშნულ მშენებლობას აწარმოებს ზედამხედველობის სამსახურის მიერ, სამშენებლო ნორმების დარღვევისთვის რამდენჯერმე დაჯარიმდა. საპროექტო და სამშენებლო ზედამხედველობის განყოფილების უფროსი სპეციალისტის თქმით, რამდენიმე საქმეზე წარმოება მიმდინარეობს. ზაზა კახიძის მტკიცებით, კომპანიის მხრიდან, პროექტის დარღვევისთვის მშენებლობის იძულებით შეჩერებაც კი მოხდა.
ამ ტერიტორიაზე სამშენებლო სამუშაოებს შპს „ნევ- ბათუმი“ ახორციელებს. კომპანიაში კომენტარი არ გააკეთეს.
24
s
s
s