17, სექტემბერი 2019 20:50:00
აჭარის ჯანდაცვის სამინისტოში 2020 წლის ბიუჯეტის პროექტისა და პროგრამების საჯარო განხილვა გაიმართა. გეგმის თანახმად, უწყების ბიუჯეტი დაახლოებით 3 მილიონ სამასი ათასი ლარით გაიზრდება და 21 მილიონი ლარი იქნება. სამინისტრო საქვეუწყებო დაწესებულებებთან ერთად ჯამში 36 პროგრამის განხორციელებას აპირებს. დაგეგმილ სიახლეებს შორის მოსახლეობის საზღვარგარეთ მკურნალობის თანადაფინანსება და მზრუნველობამოკლებულ პირთა რეინტეგრაციის ხელშეწყობაა. შეხვედრას სფეროს ექსპერტები, სამედიცინო საზოგადოება და არასამთავრობო ორგანიზაციები ესწრებოდნენ.