პედაგოგთა დეფიციტი მაღალმთიან აჭარაში. ხელისუფლების შეთავაზებას მასწავლებელთა ნაწილი დათანხმდა. ამან კი კადრების სიმცირე გამოიწვია. პრობლემა ახლა იმაშია, რომ ადგილები გამოთავისუფლდა, მსურველები კი არ არიან. შესავსებად დისტანციური მეთოდით სწავლების დანერგვა გადაწყდა. პირველ ეტაპზე პროცესში 3 სკოლა ჩაერთვება.
შუახევის მუნიციპალიტეტის ხიჭაურის საჯარო სკოლა ერთ-ერთი მათგანია, სადაც პედაგოგთა დეფიციტის აღმოსაფხვრელად გაკვეთილები, მალე დისტანციურად ჩატარდება. 12 კლასიან სკოლაში, ფიზიკის პროფილის ვაკანსია მას შემდეგ გაჩნდა, როდესაც პენსიონერი პედაგოგი, სამთვარობო შეთავაზებას დასთანხმდა და სკოლა ფულადი ჯილდოს ნაცვლად დატოვა. დირექტორის თქმით, ვაკანსია ორჯერ გამოაცხადეს, თუმცა მსურველი არ გამოჩნდა, პრობლემის მოსაგვარებლად კი დისტანციური სწავლება ინერგება.
ხიჭაურის მსგავსად, ღია კონკურსი მონაწილეობა არავინ მიიღო,ამავე მუნიციპალიტეტის სოფელ დაბა ძველის საბაზო სკოლის კონკურსიც. ვაკანსია აქაც პენსიონერი პედაგოგების წასვლის შემდეგ გაჩნდა. ექვსი პედაგოგიდან ოთხმა, ჯილდოს ნაცვლად დატოვა სკოლა, ორმა კი, კომპეტენციის დამადასტურებელი გამოცდის ჩაბარების გადაწყვეტილება მიიღო. სკოლის დირექტორის განცხადებით, პრობლემა შიდა კონკურსი ჩატარების საფუძველზე მოგვარდა და ამ დროისთვის პრობლემა არ არის, რაც შეეხება სკოლის მოქმედი პენსიონერ პედაგოგოგებს, მიაჩნიათ, რომ უკეთესი იქნებოდ ხელისუფლებას,მათთვის გაზრდილი პენსია შეეთავაზებინა.
ახალდაბის საჯარო სკოლის დირექტორი აცხადებს, რომ სამი პენსიონერი პედაგოგის წასვლის შემდეგ სკოლაში პრობლემა არ შექმნილა და ახლა იმ საგნებს სერთიფიცირებული მასწავლებლები ასწავლიან.
შუახევის რესურცენტრის უფროსის თქმით, სამთავრობო ინიციატივით, სკოლა სულ 63 პენსიონერმა პედაგოგმა დატოვა, სასწავლო წლის დასაწყისში კი სულ 77 ვაკანსია იყო. მისივე განმარტებით,ღია კონკურსით 17 პედაგოგი შეარჩიეს, ნაწილი მიზნობრივი პროგრამებით, ნაწილი კი, შიგა რესურსით აიყვანეს. პედაგოგების პრობლემა ინწკირვეთის, ჟანივრის, ბრილისა და წაბლანის სოფლების სკოლებში რჩება.
აჭარის მთიანეთში, პედაგოგთა დეფიციტის შესავსებად, დისტანციური სწავლების დანერგვის მიზნით, სპეციალურ პროგრამას - „მასწავლებელთა განვითარების ცენტრი“ამზადებს. ხიჭაურის სკოლასთან ერთად, გაკვეთილები დისტანციურად ტბეთისა და ცინარეთის სკოლაში, მთლიანობაში ხუთ საგანში ჩატარდება.
2
s
s
s