სამსახური რისკის ფასად. ქობულეთის მერიაში დასაქმებულები შრომისთვის შეუსაბამო პირობებში მუშაობენ. ჩვენი გადამღები ჯგუფი დღეს მუნიციპალიტეტში იმყოფებოდა და რამდენიმე აიპის შენობა მოინახულა. მათ შორის "ქობულეთის სოფლის წყალი“ , ქობულეთის ავტოტრანსპორტი და „ქობულეთის წყალი“ . როგორც აღმოჩნდა შენობები იმდენად მოუწესრიგებელია, რომ მიტოვებულის შტაბეჭდილებას ტოვებს. ხელმძღვანელობა კი როგორც ჩანს თანამშრომლების სამუშაო პირობების გაუნჯობესაბაზე არც კი ფიქრობს, რადგან უწყებაში თვლიან, რომ ბიუჯეტი ხალხის საჭიროებებს უნდა მოხმარდეს.
იმის მაგალითი, რომ ქობულეთის მერიის ზოგიერთი აიპის თანამშრომლებს შრომისთის შეუსაბამო პირობები აქვთ - "ქობულეთის სოფლის წყალია“ აქ დასაქმებულებს სახიფათო პირობებში უწევთ მუშაობა. მოუწესრიგებელი შენობა და კომუნალური ინფრასტრუქტურა - ადგილზე მისულებს აქ ასეთი მდგომარეობა დაგვხვდა. თანამშრომლები ამბობენ, რომ სიცივეში ელექტროგამათბობლით თბებიან.
სამუშაო პირობებით უკმაყოფილო თანამშრომლებმა, დირექტორის შენიშვნამდე, მხოლოდ იმის თქმა მოახერხეს, რომ სხვა გზა არ აქვთ და ასეთ პირობებში უწევთ მუშაობა. მეტის თქმა, ხელმძღვანელის მკაცრი რეპლიკის გამო ვერ შეძლეს. სულიკო თხილაიშვილი თანამშრომლებს ჩვენი თანდასწრებით ეუხეშა და კამერასთან გასაუბრების უფლება არ მისცა. თავად კი, ჩვენს კითხვებს ასე უპასუხა:
ქობულეთის ავტოტრანსპორტის შენობა კი, ასე გამოიყურება. ორგანიზაციის ორ ოთახიანი ოფისი, რომელიც ამ ნაგებობაში მდებარეობს, შიგნიდან მოწესრიგებულია. თუმცა, ათ თანამშრომელზე გათვლილ ამ ფართში, თანამშრომლებს სველი წერტილით სარგებლობისთვის დირექტორის კაბინეტის გავლა უწევთ.
შედარებით უკეთესი მდგომარეობაა "ქობულეთის წყალში". აქ სამუშაო პირობებით კმაყოფილი თანამშრომლები დაგვხვდნენ. თუმცა, აზრის დაფიქსირება ვერ მოახერხეს. გვითხრეს, რომ ქობულეთის მერის, მირიან ქათამაძის, მითითებით ტელევიზიებთან ინტერვიუს მიცემა ეკრძალებათ.
რამდენად აქვთ სიტყვის თავისუფლება ქობულეთის მერიის დაქვემდებარებულ სამსახურებში თანამშრომლებს? რატომ არ აძლევს ხელმძღვანელობა უფლებას აქ დასაქმებულებს ხმამაღლა ისაუბრონ სამუშაო პირობებზე? ამ კითხვებით ადგილკობრივ ხელისუფლებას მივმართეთ. უწყებაში მაცნეს კამერების მიერ დაფიქსირებულ თუ პირად საუბრებში მიღებულ ინფორმაციას, ცრუ უწოდეს.
ქობულეთის მერიის დაქვემდებარებაში, სულ 17 ქვესამსახურია.
1
.jpg)
s
s
s