საიდან აღმოჩნდა ტყვია მაღალი ოდენობით ბავშვების სისხლში? გასულ წელს ჩატარებულმა კვლევამ აჩვენა, რომ აჭარაშ ამ მხრივ ლიდერია, ანუ ქიმიური ელემენტის ყველაზე მაღალი შემცველობა ჩვენს რეგიონში დაფიქსირდა. წელს კი კიდევ ერთი კვლევით, ტყვიის მთავარი წყარო დააზუსტეს. ეს სანელებლებია. ამას დაავადებათა კონტროლის ცენტრი ადასტურებს, თუმცა ჯანდაცვის სამინისტრო არ ეთანხმება. რამდენად საგანგაშოა შედეგები, რას უკავშირდება სტატისიკა და როგორ გააკონტროლებს სახელმწიფო პროცესებს სამომავლოდ? ჩემი კოლეგა გიამბობთ
25 ოჯახის საცხოვრებელი გარემოს გამოკვლევის შედეგად, დადგინდა, რომ ორგანიზმში, ტყვიის მაღალი მაჩვენებლის წყარო სანელებლებია. კვლევის ერთ-ერთი მონაწილე, დაავადებათა ეროვნული ცენტრის აჭარის სამმართველოს უფროსი მიზეზად, პროდუქციის გაყიდვის მიზნით მასში სხვადასხვა სახის საღებავების დამატებას ასახელებს.
მოსაზრებას არ იზარებენ თავად მოვაჭრეები. მათი ნაწილი ამბობს, რომ პროდუქციას დისტრიბუტორებისგან იბარებენ, ზოგი კი ირწმუნება, რომ ნედლ სანელებლებს მაღალმთიანი აჭარიდან ღებულობენ.
წყაროს კვლევისას შემოწმდა ოჯახებში არსებული ნივთები, კოსმეტიკა, ბავშვის სათამაშოები, საკვები, ნიადაგი და წყალი. იმის გათვლისწინებით, რომ ტყვია არ აღმოჩნდა ჰაერში და ნიადაგში, დარგის სპეციალისტის მოსაზრებით მდგომარეობა გამოსწორებადია. ნინო გუგუშვილის თქმით, სანელებლების შემადგენლობა უნდა შემოწმდეს. თავის მხრივ პროცესს მონიტორინგს სურსათის ეროვნული სააგენტო უწევს. სააგენტოს ინფორმაციით, წელს 50-მდე ნიმუშიდან დარღვევა მხოლოდ ერთ შემთხევევაში გამოვლინდა, რასაც კონტორლის გამკაცრებას უკავშირებენ.
კვლევის ავტორებისგან განსხვავებულ მიზეზს ასახელებს აჭარის ჯანდაცვის მინისტრი. ზაალ მიქელაძის მტკიცებით, სისხლში ტყვიის მოხვედრის წყარო არა სანელებლები, არამედ უშუალოდ ტყვიაა.
ის, რომ გამოკვლეული 25 ოჯახი ქვეყანაში ზოგად ფონს არ შიეძლება ქმნიდეს, ადასტურებს კვლევის ერთ-ერთი ავტორიც. გაეროს ბავშვთა ფონდის მონიტორინგის სამსახურში ამბობენ, რომ წყაროს მასშტაბური კვლევა 2020 წელს ჩატარდება და საბოლოო შედეგიც მაშინ გახდება ცნობილი.
ადამიანის ორგანიზმში ტყვია ორი გზით - სასუნთქი სისტემებითა და საკვებით შეიძლება მოხდეს. იშვიათად კანიდან. რისკ ჯგუფებს კი ორსულები და ბავშვები წარმოადგენენ.
ბავშვების სისხლში ტყვიის შემცველობის დასადგენად კვლევა გასულ წელს ჩატარდა. შედეგად ქიმიური ელემენტი გამოკვლეულ მოზარდების 41%-ში დაფიქსირდა. ამ მხრივ ყველაზე მძიმე მდგომარეობა აჭარაშია. აქ გამოკვლეული ბავშვების 85%-ს სისხლშია მომატებული.