31, ოქტომბერი 2019 20:55:00
რა ხდება საპატრიაქროს ირგვლივ და როგორ აფასებენ პოლიტიკური პარტიების წარომადგენლები მომხდარს? რას ხედავენ სინოდის სხდომაზე განვითარებული მოვლენების უკან ან რა გაგრძელება ექნება ამბავს? ჩემმა კოლეგამ მოსიმინა მხარეთა პოზიციები
სინოდის გადაწყვეტილებას გიორგი მამალაძის შეწყალების შუამდგომლობასთან დაკავშირებით ,,შენების მოძრაობაში“ მისი გაჩუმების მცდელობად აფასებენ, ხოლო პეტრე ცაავამ სათქმელი უკვე თქვა და მისი გაძევება ამიტომაც მოხდა.
პატრიარქის და ზოგადად საეკლესიო პირების უდიერად მოხსენიების წინააღმდეგია ,,პატრიოტთა ალიანსის „ წარმომადგენელი. სიმართლე და ტყუილი უნდა გაირკვეს, მაგრამ არავითარ შემთხვევაში უწმინდესის დისკრიმინაციით.
,,ევროპულ საქართველოში“ სინოდის სხდომაზე განვითარებული მოვლენების უკან რუსულ ნარატივს ხედავენ. აქ მიიჩნევენ, რომ რუსეთი გავლენების მოპოვებას ეკლესიის გამოყენებით ცდილობს.
რუსეთის გავლენას ხედავენ „ნაციონალურ მოძრაობაშიც“. აქ თვლიან, რომ რადგან რუსეთის ხელისუფლებამ საზოგადოების აზრი კარგად იცის, ცდილობს თავისი გავლენები ახლა ასეთი გზებით გაიმყაროს.
თეოლოგი მიიჩნევს, რომ დღეს სინოდის სხდომაზე განსაკუთრებული არაფერი მომხდარა. ეს მორიგი შეხვედრა იყო, რომელიც წელიწადში ორჯერ იმართება.
რა შედეგები მოჰყვება წმინდა სინოდის სხდომას, გაგრძელდება თუ არა დაპირისპირება მაღალი იერარქიის სასულიერო პირებს შორის, ამ ეტაპზე უცნობია.