13, ნოემბერი 2019 17:34:00
2020-2023 წლების ბიუჯეტის პრიორიტეტები განიხილეს დღეს უმაღლეს საბჭოში. მომდევნო წლის მთავარ ფინანსურ დოკუმენტში მთავარი ის არის, რომ ჯანდაცვის სამინისტროს უპრეცენდენტოდ გაზრდილი ბიუჯეტი ექნება. უწყების დაფინანსება უპრეცედენტოდ -18 %-ით იზრდება და 21 მილიონი ლარით განისაზღვრება. სხდომაზე საკითხს მხარი შენიშვნების და კითხვა-პასუხის შემდეგ დაუჭირეს.
ღვიძლის ტრანსპლანტაციის სრული დაფინანსება და შაქრის დონის გასასინჯი აპარატების მიწოდება ბავშვებისთვის. ინიციატივა დღეს ბიუჯეტის პრიორიტეტების განსაზღვრისას აჭარის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის სხდომაზე გახმოვანდა.
ჯანდაცვისა და სოციალური საკითხთა კომიტეტის თავმჯდომარემ ფსიქიატრიული პროფილის სტაციონარებში განთავსებული ბენეფიციარებისთვის ხანგრძლივი მოვლისა და საცხოვრისით უზრუნველყოფის საკითხებზე გაამახვილა ყურადღება.
მომავალი წლის ბიუჯეტის კომენტირებისას ოპოზიცია მუნიციპალიტეტებში სამედიცინო მომსახურების სფეროს გაუმჯობესებას თვლის პრიორიტეტულად. გიორგი დიასამიძის განცხადებით ინიციატივებსა და შენიშვნებს მმართველ გუნდს ერთობლივ დოკუმენტად მიაწვდიან.
კანონმდებლებმა დღესვე ცნობად მიიღეს აჭარის ავტონომიური რესპუბლიკის 2019 წლის რესპუბლიკური ბიუჯეტის სამი კვარტლის ანგარიში. ოპოზიციაში მიაჩნიათ, რომ აუდიტის დასკვნების მიხედვით, ხელისუფლების მიერ ბიუჯეტის შესრლებას დადებითად ვერ შეაფასებს.
სხდომაზე კომიტეტის წევრებმა საქართველოს პარლამენტის წევრების - აკაკი ზოიძის და დიმიტრი ხუნდაძის მიერ საკანონმდებლო ინიციატივის წესით წარმოდგენილი საქართველოს კანონების პროექტები: „ფსიქიატრიული დახმარების შესახებ“ და „ჯანმრთელობის დაცვის შესახებ“ საქართველოს კანონში ცვლილების შეტანის თაობაზე იმსჯელეს.