„ვმუშაობთ საზოგადოებისთვის და არა დირექტორისთვის“ - აჭარის ტელევიზიის თანამშრომლები პროტესტის ნიშნად ქუჩაში გამოვიდნენ. ახალი ამბების სამსახურს შემოქმედებითი გადაცემების გუნდიც შეუერთდა. ჟურნალისტებმა გიორგი კოხრეიძეს დისკრედიტაციის შეწყვეტისკენ მიუთითეს.
„დაგვთვალე“- ამ სლოგანით აჭარის ტელევიზიისა და რადიოს თანამშრომლებმა მაუწყებლის შენობასთან აქცია გამართეს. მათი თქმით, ეს მესიჯი გიორგი კოხრეიძის იმ სიტყვების პასუხია, როცა მან განაცხადა, რომ ტელევიზიაში მას, მხოლოდ ოთხი ადამიანი უპირისპირდება.
აქციას შემოქმედებითი გადაცემების გუნდიც უერთდებოდა. მათი თქმით, ახლად დანიშნულმა დირექტორმა ამ ფორმატის გადაცემებიც დაიწუნა და დადგმული სპექტაკლი უწოდა. ამბობენ, რომ ისინი მსახიობები არ არიან და ჟურნალისტური თავისუფლების შეზღუდვის უფლებას არავის მისცემენ.
მედიის წარმომადგენლებმა, დირექტორს, თანამშრომლების დისკრედიტაციის შეწყვეტისკენ მიუთითეს. ჟურნალისტებმა, იმ პირებს, ვინც გიოგრი კოხრეიძის კანდიდატურას მხარი დაუჭირა, მიმდინარე პროცესებზე, პასუხისმგებლობის აღებისკენ მოუწოდეს.
მაუწყებლის თანამშრომლები ამბობენ, რომ ყველას გვერდში დგომის იმედი აქვთ, ვისთვისაც სიტყვის თავისუფლების აუცილებლობა პრიორიტეტია. მათი თქმით, ეს ბრძოლა უალტერნატივოა და მას შედეგი აუცილებლად ექნება.
დირექტორი თანამშრომლების პროტეტს არ გამოხმაურებია.
2
.jpg)
s
s
s