10, დეკემბერი 2019 17:04:00
ინცინდენტი ხელვაჩურის მერიაში. სიტყვიერი დაპირისპირება მუნიციპალიტეტის მერის მოადგილესა და ჟურნალისტს შორის მოხდა. ხმაური კი საზოგადოებრივი მაუწყელის აჭარის ტელევიზიის რეპორტიორის რეპლიკას მოჰყვა, რომელმაც თქვა, რომ „მერი სხდომიდან გაიძურწა“. ფრაზამ არჩილ ბარამიძის გაღიზიანება გამოიწვია, რასაც ხმამაღალი საუბარი და დაპირისპირება მოჰყვა. მომხდართან დაკავშირებით ჯუმბერ ვარდმანიძემ მოკლე განმარტება გააკეთა. მერმა აღნიშნა, რომ ადგილზე არ იმყოფებოდა და საკითხს მოგვიანებით შეისწავლიან.