დაბა ხულოში, რუსთაველის ქუჩაზე არსებულ, ხის ავარიულ, ფიცრულ სახლში მცხოვრები მოქალაქეები, რამდენიმე დღეა ღამეს ხულოს მერიის შენობაში ათევენ. რთულ ვითარებაში მყოფები, ადგილობრივი ხელისუფლების მიმართ პროტესტს ამ ფორმით გამოხატავენ, ისინი მერს რეაგირებასა და მათთვის შესყიდული ბინების გადაცემას სთხოვენ.
მოქალაქეებს დღეს მერი შეხვდა, თუმცა მათ შორის სრული შეთანხმება ვერ შედგა. სახელმწიფო შემწეობაზე მყოფი, ჯანმრთელობის პრობლემის მქონე შორენა ძირკვაძე აბობს, რომ არაერთი დაპირების მიუხედავად ადგილობრივმა ხელისუფლებამ მათი პრობლემა ვერ გადაჭრა და არსებობა საფრთხის შემცველ შენობაში უხდებათ.
შორენას გარდა, ავარიულ სახლში ათი ოჯახი ცხოვრობს. თითქმის ყველა მათგანი სოციალურად დაუცველია, ამას ისიც ემატება რომ რამდენიმე მარტოხელა, ასაკოვანი და ჯანმრთელობის პრობლემების მქონეა.
სახლი, სიცოცხლისთვის საშიში და საფრთხის შემცველია რომაა, წლების განმავლობაში დაწერილი გეოლოგიური დასკვნებიც ადასტურებს, რის საფუძველზეც თვითმართველობამ, ავარიული სახლის მიმდებარედ, კერძო პირის მიერ აშენებულ კორპუსში ბინები შეისყიდა, თუმცა 2018 წელს შეძენილი ბინები მერიას, რთულ სოციალურ-მატერიალურ ვითარებაში მყოფი ოჯახებისთვის არ გადაუცია.
რატომ ვერ გადაჭრა მერიამ პრობლემა დღემდე და შესრულდება თუ არა მოსახლეობის მოთხოვნა? ხულოს მერი გადაწყვეტილებას ასე განმარტავს:
23 ბინიანი საცხოვრებელი სახლდან ხულოს მერიას, ამ დროისთვის 21 ბინა აქვს გამოსყიდული, რაზეც 918 ათას 808 ლარია დახარჯული, ხულოს თვითმართვლობაში განმარტავენ, რომ დარჩენილ ორ ბინას უახლოეს პერიოდში გამოისყიდიან და ბენეფიციარებს მალე გადაეცემა.
4
_2.jpg)
s
s
s