17, იანვარი 2017 11:21:00
დღესვე აჭარის საზოგადოებრივი ჯანდაცვის ცენტრსა და ქობულეთის მუნიციპალიტეტის გამგეობას შორის მემორანდუმი გაფორმდა. ხელშეკრულების მიზანი საზოგადოებრივი მნიშვნელობის დაწესებულებებში ესთეტიკური და კოსმეტიკური პროცედურების წარმოებისას ინფექციების, პრევენციისა და კონტროლის სანიტარიული ნორმების დაცვის მონიტორინგს წარმოადგენს. მემორანდუმის ფარგლებში, მუნიციპალიტეტის ზედამხედველობის სამსახური, საზოგადოებრივი ჯანდაცვის ცენტრთან ერთად პირველად სამედიცინო დაწესებულებებსა და სილამაზის სალონებში, ინფექციური დაავადებების გავრცელების პრევენციისა და საზოგადოებრივი ჯანმრთელობის უსაფრთხოების უზრუნველყოფის მიზნით, ერთობლივად ინსპექტირებას განახორციელებენ.