19, დეკემბერი 2019 20:27:00
ხელვაჩაურის 2020 წლის ბიუჯეტი დამტკიცებულია. ბიუჯეტი 20 მილიონ 180 ათასი ლარით განისაზღვრა. მომდევნო წლის მთავარი ფინანსური დოკუმენტის დამტკიცებაში ოპოზიციას მონაწილეობა არ მიუღია. თუ რატომ არ ესწრებოდა სხდომა ხელისუფლების ოპონენტები ხატია გოგრაჭაძის სიუჟეტიდან გაიგებთ.
ხელვაჩაურის მუნიციპალიტეტის 2020 წლის ბიუჯეტის დამტკიცების პროცესში ოპოზიცი არ მონაწილეობდა. „ნაციონალურმა მოძრაობის“ წევრებმა სხდომა ბოკოტის ნიშნად დატოვეს. ფრაქციის თავმჯდომარის თქმით, მაშინ, როცა მუნიციპალიტეტის ტერიტორიაზე არსებულ ბუნებრივ რესურსებს ხელმძღვანელობა ვერ განკარგავს, განვითარებაზე საუბარი უადგილოა.
კენჭისყრაში მონაწილეობაზე, „პატრიოტთა ალიანსის“ წარმომადგენელმაც უარი განაცხადა. ლევან ლორთქიფანიძემ, მომავალი წლისთვის განსაზღვრული ფინანსები ხელვაჩაურში მცხოვრებთა პრობლემების მოსაგვარებლად, არასაკმარისად მიიჩნია.
დაახლოებით, 20 მილიონ 180 ათასი ლარით განსაზღვრულ ბიუჯეტს, მხოლოდ 7 პროცენტიანი ზრდით, ხელვაჩაურის მერმა უპრეცენდენტო უწოდა. ჯუმბერ ვარდმანიძის თქმით, მომავალი წლისთვის აიპების დაფინასება 10-დან 15 პროცენტამდე გაიზარდა. მუნიციპალიტეტის პირველი პირის თქმით, ერთ-ერთი პრიორიტეტი სასმელი წყლის პრობლემის მოგვარება იქნება.
მუნიციპალიტეტის საკრებულომ მომდევნო წლის ბიუჯეტი, ოპოზიციის გარეშე, ერთხმად დაამტკიცა. 29 პუნქტიან დოკუმენტში, მთავარ პრიორიტეტებად გზის პრობლემები, ფერდსამაგრი სამუშაოები, ჯანდაცვა და სოციალური სფეროებია გაწერილი.
სხდომაზე, უმრავლესობის ფრაქციამ, ხელმძღვანელობისგან, მომდევნო წლის ბიუჯეტის განსაზღვრისას, ერგეში არსებული ბაღის პრობლემის გათვალისწინება მოითხოვა.