19, დეკემბერი 2019 21:07:00
ქედის მუნიციპალიტეტის სოფელ წონიარისში, თევზის საინკუბაციო საწარმომ ფუნქციონირება რამდენიმეს კვირის წინ დაიწყო. ადგილობრივ ჯიშთა განახლების მიზნით, რეგიონის მასშტაბით, პირველად, ევროსტანდარტების შესაბამისად მოწყობილ საწარმოში საფრანგეთიდან ჩამოტანილი ქვირითიდან თევზის ლიფსიტს, ორგანული აკვაკულტურის განვითარების ასოციაცია „ფორეჯი“ აწარმოებს. მაღალ სელექციური ქვითრისგან, ლიფსიტის წარმოება ახლა პირველ ეტაპს გადის და მასზე განსაკუთრებულად, ასოციაციის თავმჯდომარე ზრუნავს. სოფიკო დიასამიძის პორტრეტი მაცნეს ობიექტივში.
აჭარაში, ყველაზე ცნობილი, მეთევზე ქალი პროფესიით იურისტია. თუმცა, მისი ინტერესესის სფეროს წლებია აკვაკულტურის ცოცხალი ორგანიზმები - თევზები წარმოადგენენ. ამ სფეროში მიღებულმა ცოდნამ და გამოცდილებამ გადააწყვეტინა პრობლემის გადაჭრაზეც ეფიქრა. ამბობს, რომ სირთულეების მოგვარება საწყის რგოლზე უნდა მოხდეს, მეთევზეობაში კი ეს ეტაპი - ჯიშთა განახლება, ლიფსიტის წარმოებაა.
რამდენიმე კვადრატულ მეტრ ფართობში საინკუბაციო დანადგარებთან ერთად, წყლის სპეციალური ავზებია მოწყობილი. იქედან გამომდინარე, რომ სათევზე მეურნეობები აჭარაში, ძირითადად, სოფლის მდინარეებზეა მოწყობილი, სოფიკო ლიფსიტის ადაპტაციას, წყაროს წყლებთან ერთად, მდინარის წყალზე აპირებს. მას შემდეგ, რაც საინკუბაციო პერიოდი დასრულდება, ლიფსიტები წყლის ავზებში გადაინაცვლებს.
ასოციაციამ საწარმო ქედაში ევროკავშირის დაფინასებით მოაწყო და ამით ადგილობრივი ქალებიც დაასაქმა. ორგანიზაციაში, საიდანაც გასაყიდად რეალიზაციაში ხუთ გრამიანი ლიფსიტა უნდა ჩაეშვას სოფოსთან ერთად ექვსი ადგილობრივი მუშაობს. მათი ძირითადი მოვალეობა წყლების ტემპერატურული რეჟიმის კონტროლია.
ლიფსიტის გაყიდვა, რამდენიმე კვირაში დაიწყება. სოფიკო დიასამიძის ინფორმაციით, მეთევზეების დაინტერესება საკმაოდ მაღალია და იმედოვნებს, რომ აქ წარმოებული ლიფსიტი,ჯიშთა განახლებას შეუწყობს ხელს, რითაც მეთევზეობაში არსებულ პრობლემებიც მნიშვნელოვნად შემცირდება
ევროკავშირის მიერ, ENPARD-ის მეორე ფაზის ფარგლებში, ქედის მუნიციპალიტეტში დაფინანსებული პროექტის – „ადგილობრივი რესურსებისა და პოტენციალის ოპტიმალური გამოყენება, სოფლის განვითარება ქედაში“ გრანტით მოაწყო, რომელსაც ქედის ლაგი ახრორციელებს.