16, იანვარი 2020 18:08:00
NDI-ის კვლევა ხელისუფლების ოპონენტებმა შეაფასეს, როგორც ბიძინა ივანიშვილის მმართველობის დასასრული. ამბობენ, რომ არაფორმალური მმართველობა საზოგადოებას არ მოსწონს. რით პასუხობენ ქართულ ოცნებაში მწვავე კრიტიკას?
ოპოზიციაში მიაჩნიათ, რომ NDI-ს კვლევის შედეგები იმის ნათელი დადასტურებაა, რომ მოსახლეობის უმრავლესობას ძირეული ცვლილებები სურს. ევროპული საქართველოს წევრის განცხადებით, მოქალაქეების ნეგატიური დამოკიდებულება ბიძინა ივანიშვილი მმართველობის შედეგია
რესპუბლიკურ პარტიაში კი ამბობენ, კვლევის შედეგები ნათლად ასახავს იმ რეალობას, რაც ქვეყანაშია შექმნილი. ლევან ბერძენიშვილის თქმით, პროდასავლური ოპოზიციის რეიტინგი გაცვილებით მაღალია ვიდრე ხელისუფლების.
კვლევის შედეგებში ეჭვი არ შეაქვს "სამოქალაქო მოძრაობის" ლიდერს. ალეკო ელისაშვილის განცხადებით, ყველაზე საყურადღებო ის არის, რომ ოპოზიციას 2-ჯერ მეტი მოქალაქე ენდობა, ვიდრე ხელისუფლებას.
ქართული ოცნების მმართველოს დასასრულის დიაგნოზი- ასე აფასებს მმარფთველი გუნდის ოპონენტი NDI-ს კვლევას. რომან გოცირიძის განცხადებით, ბიძინა ივცანიშვილის არაფორმალურ მმართველობას განაჩენი უკვე გამოუტანა.
ოპოზიციური სპექტრისგან განსხვავებით, კვლევის დეტალებზე სერიოზული საუბარი საჭიროდ არ ჩათვალა უმრავლესობის ლიდერმა მამუკა მდინარაძემ. მმართველი გუნდის წევრი ამბობს, რომ დოკუმენტის სანდოობა ქართველმა ხალხმა უნდა განსაზღვროს.
NDI-მ კვლევის საველე სამუშაოები საქართველოს მასშტაბით (ოკუპირებული ტერიტორიების გამოკლებით) ჩაატარა. სულ პირისპირ ინტერვიუს წარმომადგენლობითი შერჩევის საფუძველზე 2 180 პირი გამოკითხეს.