ზოგადი განათლების I-XII კლასის/კლასების/სემესტრის, ასევე I-XII კლასში/სემესტრში შემავალი საგნის/საგნების ზოგადსაგანმანათლებლო სასწავლო პროგრამის/პროგრამების ექსტერნატის ფორმით დაძლევის გამოცდის ჩატარების და ექსტერნად რეგისტრაციის ვადები დადგინდა.
მინისტრის ბრძანების თანახმად, ზოგადი განათლების I-XII კლასის/კლასების/სემესტრის, ასევე I-XII კლასში/სემესტრში შემავალი საგნის/საგნების ზოგადსაგანმანათლებლო სასწავლო პროგრამის/პროგრამების ექსტერნატის ფორმით დაძლევისთვის გამოცდაზე ექსტერნად რეგისტრაციის ვადად დადგინდა 2020 წლის 3 თებერვლიდან 2020 წლის 10 თებერვლიდან ჩათვლით პერიოდი. რაც შეეხება გამოცდის ჩატარების ვადებს, 10 თებერვლისთვის რეგისტრირებულთათვის გამოცდა ჩატარდება 2020 წლის 18 თებერვლიდან 2020 წლის 2 მარტის ჩათვლით.
ცნობისთვის, გამოცდაზე გასვლის უფლება აქვთ იმ პირებს, რომლებიც გარკვეული მიზეზების გამო ჩამოშორებული არიან სასწავლო პროცესს და არ აქვთ სრული ზოგადი განათლების დამადასტურებელი დოკუმენტი, ასევე იმ პირებს, რომლებიც სწავლობენ სკოლაში, თუმცა მათი ასაკი აღემატება კანონმდებლობით განსაზღვრულ მინიმალურ ასაკს და გამოთქვამენ სურვილს პროგრამის ექსტერნატის ფორმით დაძლევასთან დაკავშირებით.
გარდა ამისა, დამატებით, მეთორმეტე კლასის ექსტერნატის წესით დაძლევის მსურველებს შესაძლებლობა ექნებათ გამოცდები ჩააბარონ მიმდინარე წლის ივნისშიც. მე-12 კლასში შემავალი საგნის/საგნების ზოგადსაგანმანათლებლო სასწავლო პროგრამის/პროგრამების ექსტერნატის ფორმით დაძლევისთვის დამატებით გამოცდაზე რეგისტრაციის ვადად დადგინდა 2020 წლის 1-ლი ივნისიდან 2020 წლის 5 ივნისის ჩათვლით პერიოდი. ამ შემთხევაში კი ექსტერნატის გამოცდა ჩატარდება 2020 წლის 15 ივნისიდან 2020 წლის 24 ივნისის ჩათვლით პერიოდში.
წყარი: edu.aris.ge
4
s
s
s