ბათუმის ყოფილი საყოფაცხოვრებო ტექნიკის ქარხნის ტერიტორიაზე, ერთ-ერთ ნაწილს საცხოვრებელი ზონის სტატუსი შეეცვლება. საკრებულოს გადაწყვეტილებით, საცხოვრებელი ზონა სამრეწველო ზონის სტატუსს მიიღებს. საუბარია 30 000 კვადრატული მეტრი მოცულობის მიწის ნაკვეთზე. გადაწყვეტილების მიზეზი შპს „ვიქტორია გაზბეტონის“ საინვესტიციო წერილი გახდა. კომპანიამ „აწარმოე საქართველოს“ ფარგლებში 7 მილიონ ლარად გაზ-ბეტონის საწარმო უნდა ააშენოს. საკითხმა დღეს სხდომაზე დამსწრე წევრების სრული მხარდაჭერა მოიპოვა. როგორც მომხსენებელმა აღნიშნა, გარემოზე ზემოქმედების წინასწარი შეფასების დოკუმენტი კომპანიას ექნება, თუმცა სრულყოფილ დასკვნას მას შემდეგ წარმოადგენს, როცა ტერიტორიას შეისყიდის, ხოლო თუ დასკვნა უარყოფითი იქნება, მშენებლობის ნებართვას მერია არ გასცემს. საკითხზე პირველად ბათუმის საკრებულომ გასული წლის ოქტომბერში იმსჯელა. მაშინ თვითმმართველობას ტერიტორიის მესაკუთრემ, ქონების მართვის ეროვნულმა სააგენტომ მიმართა. ითხოვდა, აღნიშნულ ტერიტორიაზე დევნილებისთვის დაგეგმილი კორპუსების მშენებლობის პირობა საკრებულოს შეეცვალა და საწარმოს მშენებლობა განესაზღვრა.
4
s
s
s