„ერთი ბარძიმიდან ზიარება, მრევლის ქრისტესთან და ერთმანეთთან ერთობისა და სიყვარულის უმაღლესი დადასტურებაა, ხოლო ვინც ამაზე ამბობს უარს, უარს ამბობს მაცხოვარზე!“ - ეს ამონარიდია განცხადებიდან, რომელიც დღეს საქართველოს საპატრიარქომ გაავრცელა. განცხადებით, ეკლესია, კორონავირუსის გავრცელების პრევენციის მიზნით, ტაძარში მსახურებაზე დასწრების აკრძალვას გამოეხმაურა. „განსაკუთრებულად უპირისპირდებიან ზიარების ათასწლოვან პრაქტიკას მაშინ, როდესაც ასეთი პოზიციის მქონეთა უმრავლესობას არა აქვს სათანადო ცოდნა ან რწმენა აღნიშნული საიდუმლოს სულიერი მნიშვნელობისა“ - აღნიშნულია განცხადებაში. ადამიანებს, რომლებსაც აქვთ შიში, რომ ეკლესიაში მისვლით დაინფიცირდებიან, საპატრიაქრო მოუწოდებს, მრევლს, დარჩნენ სახლში და სურვილის შემთხვევაში, თავისი მოძღვარი, ადგილზე მიაკითხავს. გთავაზობთ განცხადების ფრაგმენტებს.
38
s
s
s