25, მარტი 2020 17:05:00
კორონავირუსის გავრცელების პრევენციის მიზნით, მუშაობა შეაჩერა ბათუმის იუსტიციის სახლმაც. როგორც აქ განაცხადეს, გახშირდა თვითიზოლაციაში მყოფი პირების ვიზიტები სერვისის მისაღებად. უწყება მკაცრად იცავს ჯანდაცვის მსოფლიო ორგანიზაციისა და საქართველოს ჯანდაცვის სამინისტროს რეკომენდაციებს. შესაბამისად, სამუშაო პროცესის შეჩერებასთან ერთად, ფილიალში სადეზინფექციო სამუშაოები ჩატარდება. ქვეყნის მასშტაბით, სამუშაო პროცესი დროებით შეჩერებულია იუსტიციის სახლის 7 ფილიალსა და 20 საზოგადოებრივ ცენტრში.