25, მარტი 2020 17:12:00
ხვალ, საღამოს 11 საათიდან ბათუმის ქუჩების დეზინფექცია დაიწყება და ეტაპობრივად გაგრძელდება. პირველ ეტაპზე ბათუმის ცენტრალური ნაწილის - რუსთაველის, პუშკინის, გოგებაშვილისა და გრიბოედოვის ქუჩებს შორის არსებული ყველა მონაკვეთის დეზინფექცია ჩატარდება. სპეციალური ხსნარით დამუშავდება ასევე აგრარული ბაზრის მიმდებარე ტერიტორია. სადეზინფექციო სამუშაოები აჭარის სოფლის მეურნეობის სამინისტროს სპეცტექნიკის საშუალებით, გაფრქვევის მეთოდით განხორციელდება. უწყება მოგიწოდებთ, რომ ხვალ, 23 საათიდან თავი შეიკავოთ აღნიშნული ქუჩებით გადაადგილებისგან.