26, მარტი 2020 20:56:00
დღეიდან თეონა ბაკურიძე TV პირველზე გადაცემას წაიყვანს - ამის შესახებ არხის დირექტორი ინგა გრიგოლია სოციალურ ქსელში წერს, რომელსაც უცვლელად გთავაზობთ:
"პირდაპირ ეთერში გავუკეთე შეთავაზება ამ მაგარ გოგოს, როცა კოხრეიძემ აჭარის ტელევიზიიდან ჩახსნა. გულით მინდოდა, ჩვენი თანამშრომლობა შემდგარიყო. ეს თანამშრომლობა შედგა და დღეს თეონა ბაკურიძის დებიუტს იხილავთ ტვ ,,პირველზე,, "ღამის ამბებში", 22.40 წუთზე. ისე მოხდა, რომ მის პირველ ეთერებს მე ვერ დავესწრები, ჩემი ტრავმის გამო, მაგრამ ზუსტად ვიცი, რომ იქნება ერთ-ერთი საუკეთესო ჩვენს არხზე. ყოველგვარი წინასწარ მომზადების და ,,პრაგონის,, გარეშე შედის ეთერში, თუმცა ჟურნალისტიკის და ტელევიზიის მთელი ხიბლი და გემოც ხომ ესაა, უცებ და სპონტანურად მინდა ვუსურვო უდიდესი წარმატებები, ოქროს შენაძენია თეონა ჩვენი არხისთვის. მხოლოდ ის მაგიჟებს, სახლიდან, რომ უნდა ვუყურო მის დებიუტს და არა საეთეროდან უმაგრესი ნათია ზოიძე და უმაგრესი თეონა ,,გვაჩუქა,, აჭარის ტელევიზიამ.