კორონავირუსის პანდემიის შედეგად შექმნილმა ეკონომიკურმა კრიზისმა, ცვლილებები ყველა სფეროში შეიტანა. გამონაკლისი ამ მხრივ, არც რეგიონული მედია საშუალებებია. ახლა ტელევიზები, რომელთა ძირითადი შემოსავალიც სარეკლამო დაკვეთები იყო, ბრძოლას არსებობისთვის გაზრდილ ხარჯებთან და შემცირებულ შემოსავალთან ერთად განაგრძობენ. 23-მა რეგიონულმა მაუწყებელმა, შეღავათების დაწესების მოთხოვნით, საქართველოს ეკონომიკისა და მდგრადი განვითარების მინისტრს ერთობლივად მიმართა.
ბოლო მონაცემებით, პანდემიიდან გამოწვეული ფინანსური კრიზისის გამო, რამდენიმე ეროვნულ და რეგიონულ მედიასაშუალებას ანგარიშებზე ინკასო ადევს. უმრავლესობა კი მსგავსი რისკის წინაშე დგას. არსებული მდგომარეობიდან გამომდინარე, კოალიცია „მედიის ადვოკატირებისათვის“, კიდევ ერთხელ მოუწოდებს ხელისუფლებას ყოველგვარი ჯარიმისა და დამატებითი დარიცხვების გარეშე, შეაჩეროს მედიისათვის დადგენილი გადასახადების გადახდის ვადა 2020 წლის ივლისამდე მაინც.
კორონავირუსის ეპიდემიის გამო, ბიზნესმა სარეკლამო შეკვეთები შეამცირა, რაც რეგიონული მაუწყებლების ძირითადი შემოსავალია. „TV 25“-ის დირექტორის განმარტებით, შექმნილი მდგოამრეობის ფონზე მაუწყებელი ახლა კრიზისშია. სწორედ ამიტომ მურთაზ ფრანგულაშვილი გამოსავალს სახელმწიფოს მხრიდან გარკვეული სახის შეღავათების დაწესებაში ხედავს.
მსგავსი პრობლემების წინაშე აღმოჩნდა, ახალციხის მე-9 არხიც. რეგიონული მაუწყებლის დირექტორი აღნიშნავს, რომ დაპაუზებული ბიზნესის გამო, სარეკლამო დაკვეთები თითქმის განასხევრებულია, რის გამოც ზარალდებიან. მაია იველაშვილი ხელისუფლებას შეღავათების დაწესებისაკენ მოუწოდებს.
გაზრდილ ხარჯებსა და შემცირებულ შემოსავალზე საუბრობს ტელეკომპანია ,,დიას" გენერალური დირექტორიც. როგორც მაია ტატულაშვილი განმარტავს, მათი მთავარი საზრუნავი ახლა ინვესტიციების გაზრდის ნაცვლად, თანამშრომელთა შენარჩუნებაა.
23 რეგიონული მაუწყებლის ერთობლივი მიმართვის ტექსტი დღეს, საქართველოს ეკონომიკისა და მდგრადი განვითარების მინისტრს გადაეგზავნა. დოკუმენტზე ხელმომწერი ორგანიზაციების ხელმძღვანელებს მცირეშემოსავლიანი მედიების პრობლემების გათვალისწინება აუცილებელად მიაჩნიათ.
4
s
s
s