კორონავირუსმა და გლობალურმა პანდემიამ მძიმე მდგომარეობაში ჩააგდო ტაქსისტები. ჯერ იყო და კომენდანტის საათის გამო გამოძახებები გააუქმდათ, მერე, დისტანციური მუშაობის რეჟიმში კლიენტურა შეუმცირდათ, ბოლოს კი მათმა დიდმა ნაწილმა 300 ლარიანი სახელმწიფო დახმარებითაც ვერ ისარგებლა. ვერ ისარგებლა იმის გამო, რომ არც აპლიკაცია აქვთ, არც ლიცენზირებულ ტაქსებში მუშაობენ და სახელმწიფოს ვერ უმტკიცებენ, რომ თვითდასაქმებულები არიან. შესაბამისად ერთჯერად ფულად შემწეობას ბევრი მათგანი დღემდე უშედეგოდ ელოდება.სალომე უსტალიშვილი არკვევდა რატომ გამორჩა მხედველობიდან ხელისუფლებას ეს სეგმენტი?
ერთჯერადი 300 ლარიანი დახმარების გარეშე დარჩა ტაქსის მძღოლების დიდი ნაწილი, არადა კორონავირუსის პანდემია მათ შემოსავლებზეც აისახა. მათ ჯერ კომენდანტის საათის მოქმედების ვადაში ეკრძალებოდათ მუშაობა, მოგვინებით კი ორი კვირის მანილზე სრულიად პარალიზებულნი იყვნენ. იმის გამო რომ თითქმის ყველა სამსახური დისტანციურად მუშაობდა, მოთხოვნა ტაქსზე ცხადია არ იყო და შემოსავალი ვერც იმ პერიოდში მიიღეს, როცა გამოძახებაზე გასვლა შეეძლოთ. მათ ის ერთჯერადი თანხაც არ ერგოთ, რომელიც თვითდასაქმებულებისთვის სახელმწიფომ გამოყო.
ავთანდილი ტაქსის კომპანია „მაქსიმი“-ს მძღოლია. აქ იგი უკვე უწყვეტად ორი წელია მუშაობს. ისიც ერთჯერადი სამას ლარიანი დახმარების მოლოდინშია. ამბობს, რომ თანხის მისაღებად სპეციალური განაცხადი მაშინვე შეავსო, როცა აპლიკაცია ხელმისაწვდომი გახდა, თუმცა არც დადებითი და არც უარყოფითი პასუხი დღემდე არ მიუღია.
ჩვენი სიუჟეტის მომდევნო გმირიც ერთ-ერთ კომპანიაში ტაქსის მძღოლია. ამბობს, რომ ხელშეკრულებით მუშაობს, ისევე როგორც ბევრი მისი სხვა კოლეგა, თუმცა აქვე აღნიშნავს, რომ მრავლად არიან დასაქმებულები, რომლებსაც შესაბამისი დოკუმენტაცია არ აქვთ იმისა, რომ ტაქსის მძღოლებად მუშაობენ, შესაბამისად, სახელმწიფო დახმარების გარეშე დარჩნენ.
რეფორმის ფარგლებში, სპეციალური რეგისტრაცია, რომ პირი ლიცენზირებული ტაქსის მძღოლია, მხოლოდ თბილისშია შესაძლებელი. სხვა თვითმმართველ ქალაქებს ასეთი რეგულაცია შემუშავებული არ აქვთ, თუმცა ტრანსპორტის დარგის სპეციალისტები აცხადებენ, რომ იგივე აპლიკაციის გამოყენება, რომლითაც ბევრი კომპანია სარგებლობს, არის ერგვარი დოკუმენტი იმისა, რომ პირი თვითდასაქმებულია, ვინაიდან მძღოლი აპლიკაციით სარგებლობის საფასურს იხდის. რაც შეეხება თავად ტაქსის კომპანიებს, ჩვენ ათამდე სხვადასხვა შპს-ეს დავუკავშირდით, თუმცა მათ დეტალებზე საუბარს თავი აარიდეს.
4
s
s
s