26, ივნისი 2020 16:43:00
თვითდასაქმებული ის ადამიანები, რომლებიც ყოველდღიურად სამუშაოდ თურქეთში გადადიოდნენ, ერთჯერად 300 ლარიან კომპენსაციას მიიღებენ. დახმარებით ისარგებლებენ ის პირებიც, რომლებიც მეზობელ ქვეყანაში მხოლოდ სეზონურ სამუშაოზე გადადიოდნენ. განცხადება დღეს აჭარის ჯანდაცვის მინისტრმა გააკეთა. ზაალ მიქელაძის განმარტებით, ამ კატეგორიის თვითდასაქმებულთა რაოდენობა 30 ათასს აღწევს. მისივე თქმით, მეტ დეტალზე საქართველოს პრემიერ-მინისტრი ისაუბრებს. თვითდასაქმებულებმა ერთჯერადი კომპენსაციის მიღების მოთხოვნით არაერთი საპროტესტო აქცია გამართეს. პრობლემა ის გახლდათ, რომ თანხის მისაღებად, მათ არ შეუძლიათ, იმ საჭირო დოკუმენტაციის წარდგენა, რომელიც საქართველოს მთავრობის დადგენილებით მოეთხოვებათ. კერძოდ, ცნობა სამუშაო ადგილიდან და ამონაწერი, შემოსავლების სამსახურიდან.