მარტის თვიდან ჩაკეტილ სპორტულ გამაჯანსაღებელ ცენტრებზე შეზღუდვები ნელ ნელა იხსნება. ანუ, აუზები 15 ივნისიდან გაიხნსა, ხოლო ფიტნეზე წასვლას უახლოეს დღეებში შეძლებთ. ახლა ობიექტები რეკომენდაციების და შემოწმების მოლოდინში არიან. რაც ამ ეტაპზე იციან არის ის, რომ სოციალური დისტანცია უნდა დაიცვან. რა პირობებში მოგიწევთ ცურვა და ვარჯიში? თეო ფუტკარაძე არკვევდა.
ღია და დახურული აუზების ფუნქციონირებისთვის რეგულაციები უკვე მოიხსნა, თუმცა გარკვეული შეზღუდვები მაინც რჩება. იმისათვის, რომ მომხმარებლებს სერვისი შესთავაზონ, ჯანდაცვის სამინისტროს მიერ გამოქვეყნებული რეკომენდაციები უნდა დააკმაყოფილონ.
„კოლისეუმ მარინა“ ერთ-ერთია, რომელმაც მუშაობა ყველა რეკომენდაციის დაცვით, უკვე განაახლა. იმისათვის, რომ სოციალური დისტანციის დაცვა შეძლონ, ერთდროულად იმაზე ნაკლებ ადამიანს უშვებენ, ვიდრე პანდემიამდე. პასუხისმგებლობა, შემოსავალზე ნეგატიურად უკვე აისახა.
შიდა და გარე აუზი უკვე „ლე მერიდიენშიც“ ფუნქციონირებს, თუმცა დისტანციის დაცვა და სხვა რეგულაციების დაცვა მარტივი არ აღმოჩნდა. აქ ამბობენ, რომ ჩარჩოებში მოქცევა, დამსვენებლისთვის, დისკომფორტული აღმოჩნდა.
აუზებისგან განსხავვებით, ზუსტი რეკომენდაციები ცნობილი არ არის ფიტნეს დარბაზებისთვის. თუმცა, იგივე „ლე მერიდიენში“ აცხადებენ, რომ არსებული რეგულაციების გათვალისიწნებით, მათ მომსახურების გაწევა უკვე შეუძლიათ. მომხმარებელთა მაღალი მოთხოვნის გამო, სასტუმროს ადმინისტრაცია ითხოვს, გადაამოწმონ და მუშაობა განაახლონ.
მოსე არაბული ტრენერია. იმის გამო, რომ მოსწავლეებთან ერთად, დარბაზში ვარჯიშის უფლება არ აქვს, იგი მოხალისეებთან ერთად ღია ცის ქვეს ვარჯიშობს. ამბობს, რომ ალტერნატივა, დარბაზში ვარჯიშის ეფექტს არ იძლევა, თუმცა ფორმის შენარჩუნებაში ეხმარება.
პანდემიის გამო, სპორტულ-გამაჯანსარებელი, ასევე ღია და გარე აუზები მარტის თვიდან იყო დაკეტილი.
3
s
s
s