28, ივლისი 2020 21:08:00
ცხოვრება მძიმე სოციალურ პირობებში, დაკარგული სამსახურის ფონზე. მარტოხელა დედა, ოჯახს თურქეთში მუშაობით არჩენდა. ახლა კი ეს შესაძლებლობაც აღარ აქვს. 2 შვილთან ერთად ქირით ცხოვრობს, კორონავირუსის პანდემიის გამო კი ყოველთვიურ საფასურსაც ვეღარ იხდის. მელანო ჯაბნიძეს სახელმწიფოს დახმარების იმედიც აღარ აქვს.
დაზიანებული ჭერი და იატაკი, ამორტიზებული კედლები. იქ სადაც მელანო ჯაბნიძე ქირით ორ შვილთან ერთად ცხოვრობს, წესით სარდაფი უნდა იყოს. მისი სოციალურ პირობები, პანდემიის გავრცელების შემდეგ კიდევ უფრო გაუარესდა. იგი ყოველდღიურ გასამრჯელოს, თურქეთში გამოიმუშავებდა, თუმცა ულუკმაპუროდ უკვე ხუთი თვეა ცხოვრობენ. ამბობს, რომ სახელმწიფოსგან მხოლოდ ერთჯერადი სამას ლარიანი დახმარება მიიღო.
საზღვრის გახსნის მოთხოვნით და მუშაობის გაგრძელების უფლებით, ბათუმში, მრავალი საპროტესტო აქცა გაიმართა. კონკრეტული გადაწყვეტილება მხოლოდ გუშინ იქნა მიღებული, თუმცა არა ყოველდღიურად სამუშაოდ გადამსვლელებისთვის. თურქეთში მხოლოდ საქართველოს იმ მოქალქეებს გაუშვებენ, რომლებიც თურქეთიდან, დამსაქმებლის მიერ გაცემულ სამთვიან, ოფიციალურ მოწვევას წარმოადგენს. მელანო, ამბობს, რომ მაგალითად ჩაის საკრეფად, ვერც ამ შემთხვევაში წავა, რადგან იგი ყოველდღიურ სამუშაოს მხოლოდ ქემალფაშაში ასრულებდა და სხვას არავის იცნობს.
მელანოს დიასახლისისთვის უკვე სამი თვის ქირის ფული დაუგროვდა გადასახდელი. ამბობს, რომ მეპატრონე ბევრს აღარ მოუთმენს და შესაძოა ორ შვილთან ერთად მალე ღია ცის ქვეშ დარჩეს.