ზაფხულის დადგომასთან ერთად ქობულეთში, უწყლობის პრობლემა დღითიდღე მწვავდება. წლების წინ ხელისუფლებამ, ამ პრობლემის მოსაგვარებლად, ბიუჯეტიდან 4 მილიონ ლარზე მეტი გამოყო, შედეგი კი დღემდე არ ჩანს. სოფლები კვლავ სასმელი წყლის გარეშე არიან. არაერთი აქციისა და შეუსრულებელი დაპირებების შემდეგ, შეწუხებული ახალგაზრდები დღეს, ქობულეთის მერიასთან შეიკრიბნენ და მუნიციპალიტეტისგან პრობლემის აღმოფხვრა მოითხოვეს. როგორც განმარტეს, სოფლებს სასმელი წყალი გრაფიკით, დაბალი ნაკადით ან რამდენიმე დღე საერთოდ არ მიეწოდებათ. ისინი, არსებული ვითარების მოუგვარებლობის შემთხვევაში, პერმანენტულ აქციებს აანონსებენ.

დღევანდელისგან განსხვავებით, წყალი აქ თითქმის ყოველთვის გრაფიკითაა.  სოფლის ცენტრში მცხოვრებლებმა კამერებთან საუბარი არ ისურვეს, თუმცა პირად საუბარში თქვეს, რომ ასეთ რეჟიმში ცხოვრება უჭირთ. ნაწილმა ისიც აღნიშნა, რომ ხშირ შემთხვევაში წყალი ბინძური და მღვრია.

თავად საუბარი არ ისურვეს, თუმცა მათი  პრობლემები ქობულეთის  მერიის წინ , ღიად დააფიქსირეს  ასამთავრობო ორგანიზაცია „ახალი ლიდერების ინიციატივას“  წევრებმა. „სუფთა წყალი ადამიანის უფლებაა“, „დაგვესივნენ ტილები“, „ჩვენი წყალი გადმოგსხმოდეთ“, „უწყლობის გამო ცუდი სიზმრები ამიხდა“, „წყალი არ იყო სულიკო, ვერ ვნახე დაკარგულიყო“ - ამ შინაარსის ტრანსფარანტებით  მესამე სექტორის წარმომადგენლები ადგილზე მოქალაქეებთან ერთად მივიდნენ

მერიის წინ,  მერთან შეხვედრას რამდენიმე საათის განმავლობაში   სამ სოფელში მცხოვრებლები ითხოვდნენ.  ხუცუბნის, მუხაესტატესა და ბუკნარის.  მოსახლეობას პრობლემს  რამდენიმე ათეული წელია აწუხებს. ამბობენ, რომ საკითხის გადაჭრას ყოველწლიურად, არჩევნების წინ ჰპირდებიან, თუმცა ონკანიდან წყალი მაინც გრაფიკით, ისიც ჭუჭყიანი მოდის.

უწყლობა ზაფხულის სეზონზე ქობულეთში, წლების პრობლემაა და არახალია, თუმცა  დღეს აქციაზე კიდევ ერთი პრობლემის შესახებ გახდა ცნობილი. როგორც ახალი ლიდერების ინიციატივას წევრი ამტკიცებს, აქციის დაგეგმვამ ქობულეთის მერი ისე შეაშინა, რომ მის მიმართ მუქარა და ზეწოლა განახორციელა.

ვიცე-მერმა ახალი ისევ ვერაფერი თქვა. გაიმეორა ის, რასაც  მოქალაქეები  ყოველი აქციის შემდეგ ისმენენ. ანუ პრობლემის მოსაგვარებლად აქტიურად მუშაობენ, მაქსიმუმს აკეთებენ და საკითხიც გადაიჭრება. მედიის კითხვას, როდის შეძლებს უწყლობით  შეწუხებული მოსახლეობა ელემენტარული ჰიგიენის დაცვას? პასუხისმგებელ უწყებაში კონკრეტული თარიღები ვერ დაასახელეს.

მოგვარდება თუ არა უწყლობის პრობლემა უახლოეს ერთ, ორ, ან სამ წელში ან როდემდე მოგიწევთ ჰიეგინის დაცვა გრაფიკით? კითხვები პრობლემურია და სავარაუდოდ დიდხანს იქნება. თუ პასუხიმგებელი პირების კომენტარებს დავეყრდნობით, გამოდის, უწყლობის გამო ცუდი სიზმრები კიდევ დიდხანს აგიხდებათ.

Tags:

გაზიარება

9