05, აგვისტო 2020 21:49:00
ხმაურით დაიწყო დღეს აჭარის უმაღლესი საბჭოს ბიუროს სხდომა. დეპუტატებმა დღის წესრიგით გათვალისწინებულ 5 საკითხზე იმსჯელეს. საფინანსო- საბიუჯეტო და ეკონომიკურ საკითხთა კომიტეტის თავმჯდომარემ რესპუბლიკური ბიუჯეტის მიმდინარე წლის ორი კვარტლის შესრულების ანგარიში წარადგინა, გიორგი რომანაძემ საფინანსო დოკუმენტში შესატან ცვლილებებზეც ისაუბრა. ოპოზიციის მტკიცებით, მთავრობას პანდემიის პერიოდში ხალხისთვის მნიშვნელოვანი ფულადი დახმარება არ გაუწევია. დღესვე რეგიონის საკანონმდებლო ორგანოს წევრებმა იმსჯელეს უმაღლესი საბჭოს არჩევნების ჩატარების წესზე. კანონპროექტში ცვლილებების დამტკიცების შემთხვევაში, შემდეგი არჩევნები სრულად პროპორციული წესით ჩატარდება. ბიუროს წვერებმა საკითხი განსახილველად კომიტეტებში ჩაუშვეს.