13, აგვისტო 2020 21:45:00
მახინჯაურში ავტოავარიის შედეგად დაშავებული 7 წლის ბიჭი გარდაიცვალა. მოზარდი იაშვილის სახელობის ბათუმის დედათა და ბავშვთა ცენტრალურ ჰოსპიტალში, რეანიმაციის განყოფილებაში იყო მოთავსებული. იგი მართვით სუნთქვაზე 3 დღის განმავლობაში იმყოფებოდა. ავტოსაგზაო შემთხვევა 10 აგვისტოს მოხდა. დაკავებულია მძღოლი. შს სამინისტროს ინფორმაციით, გამოძიება სისხლის სამართლის კოდექსის 276-ე მუხლით დაიწყო.