07, სექტემბერი 2020 18:38:00
2020-2021 სასწავლო წელს ზოგადსაგანმანათლებლო დაწესებულებები ვალდებულნი არიან, დაიწყონ ელექტრონული ჟურნალის წარმოება. ამის შესახებ საქართველოს განათლების მინისტრის ბრძანებაშია აღნიშნული, რომელიც დღეს გამოქვეყნდა და ძალაშიც დღეიდან შევიდა.
ბრძანების თანახმად, ჟურნალსა და ელექტრონულ ჟურნალში არსებული მონაცემების შეუსაბამობის შემთხვევაში, უპირატესობა ენიჭება ჟურნალში არსებულ ინფორმაციას.
2021-2022 სასწავლო წლიდან კი, საქართველოს ზოგადსაგანმანათლებლო დაწესებულებებში ელექტრონული ჟურნალის წარმოება სავალდებულო ხდება და უქმდება ჟურნალის წარმოება.
ელექტრონული ჟურნალის მუშაობის პრინციპის თანახმად, შეფასებისა და გაცდენების შესახებ ინფორმაციის ონლაინრეჟიმში მიღება მასწავლებლებისა და ადმინისტრაციის გარდა მშობლებსაც შეუძლიათ.