ხმაური და სიტყვიერი დაპირისპირება "რიკო კრედიტის" ბათუმის ფილიალთან. დიასამიძეების ოჯახს ქუჩაში დარჩენა ემუქრება. საქმე იმაშია, რომ მიკროსაფინანსო ორგანიზაციამ სასეხო ვალდებულების გადაუხდელობის გამო, გმათი სახლი აუქციონზე გასაყიდად უკვე გაიტანა.
მოქალაქემ, მიკროსაფინანსო ორგანიზაციის შესასვლელი მას შემდეგ გადაკეტა, რაც გაიგო, რომ მისი სახლი აუქციონზე, გასაყიდად გაიტანეს. ამ ფორმით პროტესტი მას შემდეგ გადაწყვიტა, როცა "რიკო კრედიტის" ადმინისტრაციასთან სხვაგვარად ვერ დაზავდა. ცოლ-ქმარი, ღია ცის ქვეშ, სამ მცირეწლოვან შვილთან ერთად რჩება.
იპოთეკური სესხი, ოჯახმა 5 წლის წინ აიღო. სასესხო ვალდებულების დაფარვა, როგორც თავად ამბობენ, კორონავირუსის გავრცელების შემდეგ გაუჭირდათ. ამბობენ, რომ უმუშევრობას დოლარის გაძვირებაც დაემატა და გადახდა შეუძლებელი გახდა.
მიკროსაფინანსო ორგანიზაცია "რიკო კრედიტი"-ს ხელმძღვანელობასთან გასაუბრება დღეს შეუძლებელი აღმოჩნდა. განმარტებისთვის არც ადგილზე გამოვიდა პასუხიმგებელი პირი და არც ცხელ ხაზზე გვიპაასუხეს. დიდხნიანი ლოდის შემდეგ განაცხადეს, რომ სამუშაო საათები ამოიწურა და პასუხს ვერ მივიღებდით.
იმ შემთხვევაში, თუ კი დიასამიძეები განმსესხებელთან საერთო შეთანხმებას ვერ მიაღწევენ, მასშტაბურ აქციებს და შიმშილობას აანონსებენ.
7
s
s
s