15, სექტემბერი 2020 14:50:00
საქართველოს ძალოსნობის ეროვნული ფედერაციის მიერ გავრცელებული ინფორმაციის თანახმად, ბათუმში დაგეგმილი ეროვნული ჩემპიონატი გადაიდო. მიზეზი ქვეყანაში შექმნილი ეპიდ-ვითარებაა. შეჯიბრება გადავადდა ნოემბრის პირველ დეკადამდე.
''ქვეყანაში შექმნილი ეპიდ-ვითარებიდან გამომდინარე, განათლების, მეცნიერების, კულტურისა და სპორტის სამინისტროსთან და საქართველოს მთავრობასთან კონსულტაციების საფუძველზე, ძალოსნობის ეროვნულმა ფედერაციამ მიიღო გადაწყვეტილება ბათუმში გასამართი ეროვნული ჩემპიონატი გადავადდეს ნოემბრის პირველ დეკადამდე.
კონსულტაციები შესაბამის უწყებებთან გაგრძელდება და შეჯიბრის შესახებ დაზუსტებულ ინფორმაციას მოგაწვდით მოგვიანებით განახლებული დებულების სახით. გისურვებთ ჯანმრთელობას!'' - წერია ფედერაციის მიერ გავრცელებულ განცხადებაში.