15, სექტემბერი 2020 17:18:00
ბათუმში, ხიმშიაშვილის ქუჩაზე მდებარე წმინდა ეკატერინეს სახელობის სათნოების სავანეში, კარანტინი გამოცხადდა. შენობაში სხვა პირების შესვლა აიკრძალა. აიკრძალა ეზოდან ბენეფიციართა გასვლაც. სათნოების სავანეში COVID19-ი გუშინ, 5 ბენეფიციარსა და 1 თანამშრომელს დაუდასტურდა. ისინი ამ ეტაპზე სამედიცინო დაწესებულებებში არიან მოთავსებულნი. სავანეს დირექტორის თქმით, მათ ვირუსის სიმპტომები არ აღენიშნებათ. ამ დრომდე, უცნობი რჩება ინფიცირების პირველწყაროს ვინაობა, რაც შეეხება თავშესაფარში მყოფ სხვა ბენეფიციარებს, PCR ტესტირების შედეგად, კორონავირუსი არცერთს დაუდასტურდა. დღის განმავლობაში შენობაში სადეზინფექციო სამუშაოები ჩატარდება. სავანეში, 120 ბენეფიციარი ცხოვრობს და 70 თანამშრომელი მუშაობს.