ცხოვრება მეწყერსაშიშ ზონაში. მორთულაძეები აღნიშნული პრობლემის წინაშე მას შემდეგ აღმოჩნდნენ, რაც „სოკარ ჯორჯია გაზი აჭარამ“ ბუნებრივი აირის მილები საცხოვრებელთან ახლოს არსებულ სანიაღვრე არხში ჩააწყო. უამინდობისას წყალი გზიდან კერძო საკუთრებაში ჩაედინება. უხვი ნალექის შედეგად ჩამოშლილ მიწის მასას კი ოჯახი საკუთარი სახსრებით წმენდს.
მორთულაძეების საცხოვრებელი სახლის ეზოში, ეს ორმოები მას შემდეგ გაჩნდა, რაც „სოკარმა“ გაზის მილები გაიყვანა. საქმე იმაშია, რომ გაზსადენის მშენებლობისას კომპანიას ცალკე არხი არ გაუკეთებია. მილები პირდაპირ საცხოვრებელთან ახლოს არსებულ სანიაღვრე არხში ჩააწყო. შედეგად, მორთულაძეები ყოველ წვიმას შიშით ხვდებიან, არ დაიმეწყრონ. მაშინ, როცა „სოკარის“ მიერ ფაქტიურად დალუქული სანაიაღვრე მოსულ ნალექს ვეღარ ატარებს, წყალი, გზიდან კერძო საკუთრებაში ჩაედინება.
მამუკა მორთულაძე, წვიმის შემდეგ, სწორედ ასე ცდილობს მცოცავი მიწა შეაჩეროს. ამბობს, რომ დახმარებისთვის ხელვაჩაურის მერიას მიმართა, თუმცა უშედეგოდ. რეაგირება არც „სოკარ ჯორჯია გაზი აჭარაში“ შეტანილ განცხადებას მოჰყვა.
რა რეაგირება მოჰყვა მოქალაქის წერილს ხელვაჩაურის მერიაში, აქ მხოლოდ ზეპირსიტყვიერად გვიპასუხეს. გვითხრეს, რომ ტერიტორია გეოლოგებს შეამოწმებინეს. დასკვნაში წერია:
რატომ არ გადადგა დასკვნის საფუძველზე ხელვაჩაურის მერიამ შესაბამისის ნაბიჯები, ანუ არ განახორციელა ფერდსამაგრი სამუშაოები, ან კიდევ, არ დაავალა „სოკარ ჯორჯია გაზი აჭარა“-ს, გაეთავისუფლებინა გაზსადენი მილებისგან მუნიციპალიტეტის მიერ მოწყობილი სანიაღვრე არხი - მერიამ პასუხგაუცემელი კითხვებისთვის გაზის კომპანიასთან გადაგვამისამართა. ჩვენს კითხვას, რატომ გამოიყენა სანიაღვრე არხი გაზსადენის მშნებლობისთვის, არც აქ უპასუხეს. შესაბამისად, უცნობია, მოახდენს თუ არა „სოკარი“ რეაგირებას მორთულაძეების წერილზე.
15
s
s
s