დღეს, აჭარაში კორონავირუსს კიდევ ერთი ადამიანი ემსხვერპლა. ფაქტს საზოგადოებრივი ჯანდაცვის ცენტრში ადასტურებენ. უწყების ცნობით, პაციენტი - 76 წლის, კლინიკა "მედ ემერჯენსში" 22 სექტემბერს 0:52 საათზე მოათავსეს, სასწრაფო დახმარების ბრიგადის მიერ, დიაგნოზით - სუნთქვის მწვავე უკმარისობა, ცხელება.
"პაციენტის მდგომარეობა კლინიკაში შეყვანისთანავე შეფასდა რთულად, მას ჰქონდა რთული ანამნეზი: გულის იშემიური დაავადება, არტერიული ჰიპერტენზია ESU/ESC 3, ექსტრასისტოლური არითმია, გულის უკმარისობა. კლინიკაში მაშინვე გატარდა შესაბამისი ღონისძიებები, თუმცა თანმდევი დაავადებების სირთულიდან გამომდინარე, სამწუხაროდ, პაციენტის გადარჩენა ვერ მოხერხდა. გარდაცვალებამდე აღებული იქნა ტესტი კორონავირუსზე, პაციენტს დაუდასტურდა კოვიდ19" - აცხადებენ ჯანდაცვის სამინისტროში.