აჭარაში ეპიდსიტუაცია ყოველდღიურად მძიმდება. ქვეყნის მასშტაბით 39 პირი დაიღუპა კორონავირუსით. ამ დროის მონაცემებით, რეგიონში --- ინფიცირებულია. კლინიკებში 500-მდე, ხოლო ბინაზე 600-მდე პაციენტი მკურნალობს. მდგომარეობის გართულების პირდაპირპროპორციულად იმატებს იმის საფრთხეც, რომ ბათუმში შესაძლოა სტაციონარებში ადგილები აღარ დარჩეს. ამ დროს კი ერთდერთი გამოსავალი ადამიანების ბინაზე მკურნალობაა. „მაცნე“ დაინტერესდა, რას ითვალისწინებს ამ უკანასკნელის პროტოკოლი, როოგრ უნდა მოიქცეს ინფიცირებული და როგორ უნდა დაეხმარონ მას სხვა პირები. ჯანდაცვის სპეციალისტს ია გოლიაძე ესაუბრა.
საქართველოს ჯანდაცვის სამინისტროს მიერ შემუშავებული პროტოკოლით, ბინაზე კორონავირუსული ინფექციის მსუბუქი შემთხვევების მართვაა დასაშვები. ჯანდაცვის ექსპერტები ასეთ შემთხვევაში სიმპტომებად ცხელებას, მოთენთილობას, ხველას, სისუსტეს, კუნთებისა და ყელის ტკივილს, ქოშინს ან ყნოსვისა და გემოს დაქვეითებას ასახელებენ. იშვიათად, შესაძლოა კოვიდპაციენტს დიარეია, გულისრევა ან პირღებინება აწუხებდეს.
კოვიდ 19-ით დაავადებულ პირებს ბინაზე მკურნალობის პროტოკოლით მედიკამენტოზური მკურნალობაც ენიშნებათ. წამლები კოვიდინფიცრებულებს ექიმის მეთვალყურეობით ენიშნებათ.
ჯანდაცვის სამინისტროს მიერ დამტკიცებული პროტოკოლით, ბინაზე მკურნალობის შემთხვევაში რამდენიმე აუცილებელი წესის დაცვაა აუცილებელი. ონლაინ კლინიკის გენერალური დირექტორის, ბექა იოსელიანის თქმით, მთავარი უსაფრთხოებაზე ზრუნვაა.ჯანდაცვის ექსპერტი ამბობს, რომ პირბადე ყოველ 2 საათში უნდა გამოიცვალოს, დაცული უნდა იყოს დისტანცია. მისივე თქმით, სასურველია ხელების ხშირი დაბანა.
კიდევ ერთი წესი, რომელიც კოვიდინფიცირებულის მომვლელმა უნდა გაითვალისწინოს, იზოლირებული საძინებლისა და საპირფარეშოს გამოყენებაა.ჯანდაცვის ექსპერტი ამბობს, რომ სასურველია დაავადებული პირი მისთვის გამოყოფილ ოთახში დარჩეს. ასევე რეკომენდებულია ხელთათმანების გამოყენება ჭურჭლისა და საყოფაცხოვრებო ნივთების გარეცხვისას.
ჯანდაცვის ექსპერტები დღის განმავლობაში 2 ლიტრამდე წყლის დალევის რეკომენდაციას გასცემენ. ეს იმისთვის, რომ დეჰიდრატაცია თავიდან იქნას არიდებული.
1
s
s
s