იმისთვის, რომ მოამზადოთ უგემრიელესი ტომატში ჩათუშული ქათმის ფილე სულგუნით, დაგჭირდებათ:

1. ქათმის ფილე - 4 ცალი

2. სულგუნი - 4 ნაჭერი (შეგიძლიათ ჩაანაცვლოთ მოცარელათი)

3. ზეითუნის ზეთი - შესაწვავად

4. მარილი და პილპილი

5. იტალიური სუნელები (ორეგანო, ბაზილიკი)

6. ნიორი - 2-3 კბილი

7. ძმარი ბალზამიკო - 50 მლ

8. ტომატის პიურე - 200 გ

9. ხმელი ბაზილიკი ან შაშკვლავი - გემოვნებით

10. წითელი წიწაკა, დაღერღილი

მომზადების წესი: გააცხელეთ ზეითუნის ზეთი ტაფაზე, დაალაგეთ ქათმის ფილეები, მოაყარეთ მარილი და პილპილი, იტალიური ხმელი ბალახები და შეწვით ორივე მხრიდან 5-5 წუთის განმავლობაში, მოაყარეთ კიდევ სანელებლები. გადმოიღეთ ტაფიდან ფილე და იგივე ცხიმში მოხრაკეთ წმინდად დაჭრილი ნიორი, დაუმატეთ ბალზამიკო, ტომატის პიურე, დაჭრილი ბაზილიკი ან შაშკვლავი, დაღერღილი წითელი წიწაკა და თუშეთ დაბალ ცეცხლზე 10 წუთის განმავლობაში.

ჩაალაგეთ ტომატის მოთუშულ პიურეში ქათმის ფილეები, დაალაგეთ ზემოდან სულგუნის (ან მოცარელას ნაჭრები) და მოთუშეთ თავდახურულ ტაფაში 5-7 წუთის განმავლობაში. ბოლოს მოაყარეთ დაჭრილი ბაზილიკი და პილპილი.

წყარო: gemrielia.ge

Tags:

• კულინარია

გაზიარება

5